राजनीति

आफ्नो अधिकार खोसेको भन्दै सरिता गिरीले दर्ता गराइन्, पार्टी र सरकारविरुद्ध मुद्दा

sarita giri

काठमाडौं, असार २८ –

सांसद सरिता गिरीले आफ्नो अधिकार खोसेको भन्दै आइतबार सर्वोच्‍च अदालतमा पार्टी र सरकारविरुद्ध मुद्दा दर्ता गराएकी छिन् ।

आफूलाई सांसद र पार्टीबाट निष्काशन गर्ने निर्णय अवैधानिक भएको दावी उनको निवेदनमा गरिएको छ । सांसदबाट निलम्बनमा परेकी गिरीले सर्वोच्च अदालतमा आइतबार मुद्दा दर्ता गराएकी हुन् ।

निवेदनमा उनले आफूलाई कारबाही गर्ने निर्णय अवैधानिक भएको जिकीर गरेकी छन् । संसदीय दलको सिफारिसमा मात्र आफूलाई केन्द्रीय समितिले कारबाही गर्न सक्ने भएकाले पदाधिकारी बैठकबाट लिइएको निर्णय अवैधानिक भएको दाबी उनले निवेदनमा गरेकी छन् ।

समाजवादी पार्टीको केन्द्रीय कार्यकारिणीको निर्णयअनुसार गिरी प्रतिनिधिसभा सदस्य पदबाट असार २५ गते निष्कासित भएकी थिइन् । उनलाई पार्टीको ह्विप उल्लंघन गरेको आरोपमा समाजवादी पार्टीले सांसद र दलको सदस्यबाट निष्कासित गरेको थियो ।

संविधान संशोधन विधेयकको विरोधमा लागेपछि पार्टीले छानबिन समिति गठन गरेर गिरीमाथि कारबाही गरेको थियो ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *