'
तेह्रथुम, साउन ५ –
तेह्रथुममा खोलाले बगाउँदा एक महिलाको मृत्यु भएको छ । तेह्रथुमको लागीगुराँस नगरपालिका–९ सोल्मामा भालु खोलाले बगाउँदा म्याङलुङ नगरपालिका-६ की ३७ वर्षीया अञ्जना लिम्बूको मृत्यु भएको छ भने उनका श्रीमान घाइते भएको प्रत्यक्षदर्शी निरबहादुर लिम्बूले जानकारी दिए ।
सोमबार बिहान आफन्तकोमा जान भनि छथर गाउँपालिकाको सुदाप हिंडेका तीन जनामध्ये दम्पतीलाई दिउँसो १२ बजेतिर एक्कासी माथिबाट आएको खोलाले बगाएको थियो । खोलाले अञ्जनालाई बगाएर करिब ४ सय मिटर तल पुर्याएको र उनका श्रीमान भेषराज लिम्बूले एक सय मिटर तल नपुग्दै बुट्याउन समाउन पाएकाले ज्यान जोगाएका थिए । तर उनी गम्भीर घाइते भएका छन् ।
अविरल वर्षाका कारण खोलमा बाढी आएको र तीनै जनाले एउटा लौरो समाएर पारी तर्ने क्रममा गहिरो भौडीको कारण दुई जना अकस्मात पानीको छालसँगै बगेको र हतार हतार ढुंगा समाउन पाएको कारण आफूलाई खोलाले बगाउन नसकेको अर्का व्यक्ति निरबहादुर लिम्बूले बताएका छन् ।
अञ्जनालाई खोलाले बगाएपछि उनको खोजी गर्दै जाँदा करिब ४ सय मिटर तल खोलाको किनारमा मृत अवस्थामा स्थानीयले भेटाएका थिए । मृतकको पोष्टर्माटमका लागि जिल्ला अस्पताल तेह्रथुम ल्याउने तयारी भइरहेको प्रहरीले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
खुट्टामा चोट लागेर आएकी बालिकालाई रेबिजको खोप लगाइदिएपछि…
२०७८ साउन १ गते शुक्रवार
जनकपुरमा दीप प्रज्वलन गरेर सर्वोच्चको फैसलाको स्वागत
२०७८ असार २८ गते सोमवार
काठमाडौं उपत्यकामा थपिए ८९४ जना कोरोना संक्रमित
२०७७ कार्तिक १० गते सोमवार
दुई वर्ष मुनिका बच्चा छाडेर विदेश जान अनुमती नदिइने
२०७८ असार १९ गते शनिवार