'
काठमाडौं, साउन ८ –
सशस्त्र प्रहरी नेपाल बोर्डर आउट पोष्ट माडर सिरहामा कार्यरत सशस्त्र प्रहरी जवान मनोहर कुमार यादवको हत्यामा संलग्न ३ जनालाई प्रहरीले पक्राउ गरेको छ ।
पक्राउ पर्नेहरुमा सिरहा नगरपालिका–३ मखनाहाका २५ वर्षीय जवकेश कुमार यादव, सोही ठाउँका २० वर्षीय मंगला भन्ने दिपेश कुमार यादव र २२ वर्षीय बुलना भन्ने मुकेश कुमार यादव रहेका छन् ।
गत असार १६ गते सिरहा नगरपालिका–१४ खिरौनास्थित नहरको पानीमा महोत्तरी सोनमा गाउँपालिका–३ घर भई सिरहा नगरपालिका–१७ स्थित बीओपीमा कार्यरत सशस्त्र प्रहरी जवान यादव मृत फेला परेका थिए ।
घटना अनुसन्धानको क्रममा उनीहरूले सोही दिन दिउँसो सिरहा नगरपालिका–३ स्थित विवाहमा भएको सामान्य विवादमा यादवलाई चोर, चोर भनि करिब ३ किलोमिटर लखेटेर नहरमा डुबाई मारेको खुलेको प्रहरीले जनाएको छ ।
२ नम्बर प्रदेश प्रहरी कार्यालय जनकपुर र जिल्ला प्रहरी कार्यालय सिरहाबाट खटिएको संयुक्त प्रहरी टोलीले उनीहरूलाई पक्राउ गरेको हो ।
पक्राउ परेका तीजै जनामाथि जिल्ला अदालतबाट म्याद थप गरी अनुसन्धान भइरहेको प्रहरीले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
अभद्र व्यवहारमा हिरासतमा रहेका थुनुवाले गरे आत्महत्या
२०७७ मङ्सिर ५ गते शुक्रवार
प्रभु बैंकको २३१औं शाखा जुम्लाको चन्दननाथमा
२०७७ फाल्गुन १० गते सोमवार
बजेट कार्यान्वयन गरेर देखाउँछु : अर्थमन्त्री पौडेल
२०७८ जेष्ठ १६ गते आइतवार
विद्युत प्राधिकरणले अब इन्टरनेट र केबल तार नकाट्ने !
२०७८ असोज १७ गते आइतवार