
काठमाडौं, साउन २२ –
भारतमा कोरोना संक्रमितको संख्या १९ लाख ६३ हजार नाघेको छ । भारतमा पछिल्लो २४ घण्टामा थप ५६ हजार २ सय ८२ जना संक्रमित भएका छन् ।
योसँगै भारतमा कोरोना संक्रमितको संख्या १९ लाख ६४ हजार ५ सय ३७ पुगेको छ । संक्रमितमध्ये अहिलेसम्म १३ लाख २८ हजार ३३७ जना संक्रमणमुक्त भएका छन् भने ५ लाख ९५ हजार ५ सय १ जनाको उपचार भइरहेको छ ।
कोरोना संक्रमणकै कारण भारतमा पछिल्लो २४ घण्टामा ९ सय ४ जनाको मृत्यु भएपछि ज्यान गुमाउनेको संख्या ४० हजार ६ सय ९९ पुगेको वर्ल्डोमिटर्सले जनाएको छ ।
प्रतिक्रिया दिनुहोस