'
२५ साउन, जनकपुरधाम । कोरोना जोखिम कायमै रहेपछि जिल्ला प्रशासन कार्यालय धनुषाले लगाएको निषेधाज्ञा पुनः एकसातको लागि थपेको छ ।
प्रमुख जिल्ला अधिकारी प्रेमप्रसाद भट्टराईले उपमहानगरपालिका क्षेत्रमा कोरोनाको जोखिम बढ्दै गएको र समुदाय स्तरमा फैलिएकोले निषेधाज्ञाको समयअवधि साउन ३२ गते आइतबार राति १२ बजेसम्मका लागि थपिएको जानकारी दिए ।
कोरोना संक्रमणको प्रभावकारी रोकथाम तथा नियन्त्रण र यसको संक्रमण फैलिन नदिनका लागि जिल्लाभरी प्रतिकुल प्रभाव पर्नसक्ने कुनै किसिमको गतिविधि हुन र गर्न नदिन नेपाल राजपत्रमा तोकिएको अत्यावश्यक सेवाहरु बाहेकका अन्य सबै सेवा र स्थलहरु फेरि आगामी ७ दिनसम्मका लागि स्थानीय प्रशासन ऐन,२०२८ को दफा ६ (३) र संक्रामक रोग ऐन २०२० को दफा २ बमोजिम जिल्ला सुरक्षा समितिको निर्णयअनुसार निषेधाज्ञा गरिएको प्रजिअ भट्टराईले स्पष्ट पारे ।
सुरक्षा समितिको बैठकबाट सात दिन अझै लकडाउन थप्ने निर्णय गर्नुका साथै जनकपुरधामस्थित यात्री निवासलाई क्वारेन्टाइन स्थल बनाउने र जिल्लामा आइसोलेसन सेन्टरहरु अझै थप गर्ने तथा बैंक र वित्तिय संस्थाहरू सिफ्टवाइज खोल्ने निर्णय समेत गरिएको छ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
काठमाडौंको कालोपुलमा मोटरसाइकल दुर्घटना हुँदा एकको मृत्यु
२०७७ साउन १९ गते सोमवार
क्यान्सर अस्पताल भरतपुरबाट ३८ करोडको निःशुल्क उपचार सेवा
२०७७ असोज १६ गते शुक्रवार
दोलखामा फैलियो पिपिआरः १५ दिनमा ६१ बाख्रा मरे
२०७७ पुष २६ गते आइतवार
लाभांश प्रस्ताव पारित गर्न नबिल बैंकले बोलायो साधारणसभा
२०७८ पुष ९ गते शुक्रवार