'
२८ साउन, काठमाडौं । जनकपुरका पूर्वमेयर कृष्ण गिरीको कोरानाबाट मंगलबार राति काठमाडौंमा मृत्यु भएको छ ।
७३ बर्षिय गिरी १५ दिनअघि कोरोना भाइरस संक्रमण पुष्टि भएपछि थप उपचारका लागि काठमाडौंको मेडिसिटी अस्पतालमा भर्ना भएका थिए । गिरीको मंगलबार राति १२ बजेर १० मिनेटमा मृत्यु भएको उनको पारिवारिक स्रोतले जानकारी दिएको छ ।
जनकपुरको मिल्स एरियास्थित रामा होटलका सञ्चालकसमेत रहेका गिरीलाई कोरोना भाइरस संक्रमण पुष्टि भएपछि श्री एयरलायन्सको विमान चार्टर गरेर काठमाडौं लगिएको थियो । ‘कोरोना भाइरस संक्रमणसँगै उहाँमा अन्य जटिल समस्या पनि थियो,’ पूर्वमेयर गिरीका भतिज अनुराग गिरीले भने, ‘उपचारकै क्रममा मंगलबार राति मृत्यु भएको हो ।’
नेपाल परिवार नियोजन संघ धनुषाको २५ वर्षसम्म अध्यक्ष रहेका मृतक गिरी ०४४–०४५ सालमा जनकपुर नगरपालिकाको मेयर भएका थिए । नेपाली कांग्रेसको महासमिति सदस्य समेत रहेका गिरीको दुई छोरा र श्रीमती छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सुदूरपश्चिमका सात स्थानमा स्वचालित मौसम मापन केन्द्र
२०७७ असोज ७ गते बुधवार
रुपन्देहीमा वैशाख १६ देखि २९ गतेसम्म निषेधाज्ञा सिफारिस
२०७८ बैशाख १४ गते मङ्गलवार
सिराहा जिल्ला प्रशासन कार्यालय एक साता बन्द
२०७७ असोज १८ गते आइतवार
छठको सांस्कृतिक विस्तारले मुलुकलाई एकताबद्ध बनाएको छः मन्त्री भट्टराई
२०७७ मङ्सिर ४ गते बिहिवार