मनोरञ्जन ताजा समाचार

कमेडीमा च्याम्पियन हिमेशलाई कार हस्तान्तरण

himesh

२९ साउन, काठमाडौं । रियालिटी शो कमेडी च्याम्पियन पहिलो सिजनका विजेता हिमेश पन्तलाई कार हस्तान्तरण गरिएको छ ।

गतवर्ष टेलिभिजनबाट प्रसारण गरिएको यो रियालिटी शोमा अन्तिम तीनमा  परेका सुमन कोइराला र खड्गबहादुर पुनलाई पछि पार्दै हिमेश विजेता बनेका थिए ।

कमेडी च्याम्पियनका निर्देशक विशाल भण्डारी, निर्माता केकी अधिकारी र कान्तिपुर टेलिभिजनका स्टेसन म्यानेजर दिनेश डिसीले उनलाई कार हस्तान्तरण गरेका छन् । विजेता बनेको ६ महिनापछि उनले कार पाएका हुन् ।

उनले पाएको कारको मूल्य २५ लाख रुपैयाँ पर्ने आयोजकले जनाएका छन् । अब केही समयमै कमेडी च्याम्पियनको दोस्रो सिजन सुरु हुने जनाएको छ । दोस्रो सिजनमा पनि सन्तोष पन्त, मनोज गजुरेल, ऋचा शर्मा र प्रदीप भट्टराई निर्णायक रहनेछन् ।

त्यस्तै, कार्यक्रमको सञ्चालन पनि अभिनेत्री रीमा विश्वकर्माले नै गर्ने जनाएको छ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *