'
३० साउन, दाङ । कोरोना भाइरसको बढ्दो जोखिमलाई मध्यनजर गर्दै जिल्ला प्रशासन कार्यालय दाङले भदौ १ गतेदेखि ८ गतेसम्म रातिको समयमा आवतजावत तथा व्यवसाय सञ्चालन गर्न पूर्णरुपले रोक लगाएको छ ।
संकट व्यवस्थापन केन्द्रको शुक्रवार बसेको बैैठकले यही भदौ १ गतेदेखि ८ गतेसम्म साँझ ७ बजेदेखि बिहान ५ बजेसम्मका लागि निषेधाज्ञा जारी गरेको हो । बैठकले रातको समयमा यातायात सञ्चालन तथा हिँडडुलमा समेत पूर्णरुपले रोक लगाउने निर्णय गरेको छ ।
प्रमुख जिल्ला अधिकारी तथा जिल्ला संकट व्यवस्थापन केन्द्रका संयोजक गोविन्दप्रसाद रिजालले तीजको अवसरमा भेला भएर नाचगान गर्न र मन्दिरहरुमा जान समेत प्रतिवन्ध लगाउने निर्णय भएको बताए । जिल्ला प्रहरी प्रमुख एसपी गणेश चन्दले तीजमा हुन सक्ने संभावित घटनाहरुलाई समेत मध्यनजर गर्दै यस्ताे निर्णय भएको बताए ।
यातायातका साधनमा तोकेको भन्दा बढी यात्रु राखेर सञ्चालन गर्न नदिने निर्णय समेत बैठकले गरेको एसपी चन्दले जानकारी दिए । नारीहरुको महान चाड तीजमा अघिल्ला वर्षजस्तो सार्वजनिक स्थल वा मन्दिरहरुमा भेला हुन र नाचगान गर्न नदिने निर्णय भएको जानकारी दिए ।
संभावित कोरोना भाइरस संक्रमणलाई मध्यनजर गर्दै सर्वसाधारण सबैलाई सजग र सचेत रहन आग्रह गर्ने निर्णय समेत बैठकले गरेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
हेलिकप्टरमार्फत सुत्केरीको उद्धार
२०७७ भाद्र २९ गते सोमवार
विद्यालय भत्केपछि सामुदायिक भवनमा पढ्न बाध्य
२०७७ कार्तिक २२ गते शनिवार
मिर्गौलासम्बन्धी विशेषज्ञ सेवा छिट्टै शुरु हुन्छ : ओली
२०७७ फाल्गुन २७ गते बिहिवार
भरतपुरको विकासले गति लिँदै
२०७७ फाल्गुन १ गते शनिवार