३० साउन, बुटवल । पूर्वपश्चिम राजमार्गअन्र्तगत रुपन्देहीको देवदहमा एकलाई क्रेनले ठक्कर दिदा मृत्यु भएको छ ।
रुपन्देही देवदह नगरपालिका ९ घोडाहामा पूर्वबाट पश्चिमतर्फ जाँदै गरेको लु१क ४२४४ नं.को क्रेनले ह्विल चियरमा सवार देवदह ९ घोडाहा बस्ने वर्ष ४२ को धनप्रसाद चापागाई (फरक क्षमता भएको ब्यक्ती) लाई ठक्कर दिदा घाइते भएका थिए ।
जिल्ला प्रहरी कार्यालय रुपन्देहीका अनुसार घाइते चापागाईँको उपचारको क्रममा साँझ लुम्बिनी प्रादेशिक अस्पतालमा मृत्यु भएको हो । क्रेनका चालक घटनापछि फरार छन् भने क्रेनलाई प्रहरीले पक्राउ गरेको छ ।
फरार चालकको खोजी तीब्र पारिएको प्रहरी चौकी खैरेनीका प्रहरी उपरीक्षक दीपक क्षेत्रिले बताए ।
प्रतिक्रिया दिनुहोस