'
३२ साउन, चितवन । पछिल्लो केही दिनदेखि चितवनमा कोरोना संक्रमितको संख्या बढ्दै गएपछि चारवटा नगरपालिकामा एक साता निषेधाज्ञा लागु गरिएको छ ।
आज राति १२ बजेदेखि लागु हुने गरी भदौ ७ गतेसम्मका लागि निषेधाज्ञा लागू गर्ने निर्णय भएको हो । पूर्वीचितवनका रत्ननगर, कालिका, खैरहनी र राप्ती नगरपालिका प्रमुखहरुको आज बिहान (आइतबार) बसेको बैठकले चार नगरपालिका क्षेत्रमा निषेधाज्ञा लागू गर्ने निर्णय गरेको रत्ननगर नगरपालिकाका प्रमुख नारायण वनले जानकारी दिए ।
निषेधाज्ञा लागू गर्नका लागि नगरपालिकाले निर्णय गरेर प्रमुख जिल्ला अधिकारी नारायणप्रसाद भट्टराईलाई जानकारी गराएको उनले बताए ।
प्रमुख जिल्ला अधिकारी भट्टराईले आज राति देखिनै लागू हुने गरी पूर्वी चितवनमा निषेधाज्ञा घोषणा गरिएको बताए । भरतपुर महानगरपालिका, माडी नगरपालिका र इच्छाकामना गाउँपालिकामा भने यसअघि नै निषेधाज्ञा जारी गरिएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
रक्तचन्दनको तेल सहित १ जना पक्राउ
२०७८ मङ्सिर १४ गते मङ्गलवार
बर्दिबासमा प्रहरीको गोली लागेका घाइतेको उपचारका क्रममा मृत्यु
२०७७ मङ्सिर १० गते बुधवार
चार दिनदेखि बेपत्ता स्वास्थ्यकर्मी मृत फेला
२०७७ असोज ५ गते सोमवार
खाने तेलको मूल्य बढाउने दुई उद्योगलाई कारवाही
२०७७ माघ ७ गते बुधवार