'
३२ साउन, काठमाडौं । पछिल्लो समय अभिनेत्रीहरु धमाधम गायनमा समेत देखिन थालेका छन् । रेखा थापा, निरुता सिंह, परमिता आरएल राणा, अनु शाह, प्रियंका कार्की, पूजा शर्मा, छुल्ठिम गुरुङ लगायत नायिकाको नाम गायिको लिष्टमा समेत समावेश भएको छ । यो भिडमा नीता ढुंगाना पनि थपिएकी छन् ।
नीताले आफ्नै स्वरमा गणेश भजन ‘वक्रतुण्ड महाकाय’ रेकर्ड गराएर आफूलाई गायिकाको रुपमा समेत चिनाएकी हुन् । उक्त भजनको भिडियो समेत उनले आफ्नै प्रोडक्सन हाउस नीता फिल्मस्बाट गराएकी छन् । जसको छायाँकन शनिवार राजधानीमा गरिएको छ । भजनको भिडियोमा उनले नै अभिनय गरेकी छन् । भिडियो छिट्टै सार्वजनिक हुने बताइएको छ ।
रामजी लामिछानेको कोरियोग्राफी रहेको भिडियोलाई संजय लामाले खिचेका हुन् । बनिश शाहले भिडियोको सम्पादन गरिरहेका छन् । पहिलो गीतको रुपमा भजन किन गाउनुभयो भन्ने प्रश्नमा, नीता भन्छिन्–‘हिन्दु धर्म र यसप्रतिको भक्तिभाव मेरो बच्चादेखिको सौख हो । गणेश भगवानको अनुयायी भएका कारण पनि मैले भजनबाटै गायन यात्रा सुरु गरेकी हुँ ।’
नीताले आफ्नै ब्यानरमा चलचित्र ‘माया’ बनाउने तयारी पनि गरेकी छिन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
गुण्डा नाइके गणेश लामा पोखराबाट पक्राउ
२०७८ जेष्ठ २७ गते बिहिवार
थप एक हजार ६६ जनामा कोरोना संक्रमण पुष्टि, १६ जनाको मृत्यु
२०७८ असोज २ गते शनिवार
सिरियाको पछिल्लो अवस्थाप्रति संयुक्त राष्ट्रसंघ चिन्तित
२०७८ साउन ९ गते शनिवार
युद्ध अपराधको आरोप लागेपछि कोसोभोका राष्ट्रपतिद्वारा राजीनामा
२०७७ कार्तिक २० गते बिहिवार