'
३२ साउन, काठमाडौं । बाढीपहिरोले अरनिको राजमार्गको बाह्रबिसे–तातोपानी सडक अवरुद्ध भएपछि तातोपानी भन्सार यार्डमा रहेका मालबाहाक कन्टेनर रोकिनुका साथै आयात निर्यात ठप्प भएको छ ।
व्यापारिक तथा औषधिजन्य सामग्रीका १५/२० वटा मालबाहाक कन्टेनर लामो समयदेखि सुख्खा बन्दरगाहमै रोकिएको भन्सार कार्यालयले जनाएको छ । कोभिड–१९ सङ्क्रमण रोकथामको लागि चीनको न्यालम जिल्लाले छिमेकी जिल्ला सिन्धुपाल्चोकलाई सहयोगस्वरुप हस्तान्तरण गरिएका औषधिजन्य सामग्री भन्सारमै रोकिएका छन् ।
गत असार २४ गतेको बाढीपहिरोले बाह्रबिसेदेखि तातोपानीको २६ किलोमिटर खण्डमा पर्ने दर्जैनौं ठाउँमा क्षति पुर्याएको थियो । सोही समयमा चिनियाँ भू–भागमा पनि ठाउँठाउँमा सडक बिग्रनुका साथै तिब्बतको न्यालम जिल्लामा अवस्थित क्यारुङ च्छो ताल फुट्ने सम्भावना देखिएपछि चीनबाट सामान पठाउन बन्द गरिएको थियो । साथै मितेरी पुलमा कार्यरत सबै चिनियाँ कर्मचारी पनि उठेर गइसकेको भन्सार अधिकृत गणेशप्रसाद पौडेलले जानकारी दिए।
बाढीपहिरो पछि बन्द भएको उक्त सडक मर्मतपछि साउन १८ गतेदेखि सञ्चालनमा आए पनि पुनः अवरुद्ध भएको छ । हाल उक्त खण्डको डाक्लाङ र बुलकोटेमा सडक भास्सिएको छ । डाक्लाङमा करिब ३०० मिटर सडक पहिरोले बगाएको हुँदा दैनिक उपकरण लगाएर सफा गरे पनि पुनः बगाउने सडक डिभिजन कार्यालय दोलखाका प्रमुख डिई विजयकुमार महतोले बताए ।
सडक अवरुद्ध भएपछि सयौं मालबाहक कन्टेनर केरुङ हुँदै रसुवागढी नाका भएर ल्यानु पर्दा ढुवानी भाडा बढी पर्नुका साथै भन्सार जाँचपासमा ढिलाइका कारण व्यापारी मर्कामा परेको नेपाल ट्रक कन्टेनर व्यवसायी सङ्घका अध्यक्ष अर्जुन सापकोटाले जानकारी दिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
बिहिबार सुनको मूल्य तोलामा एक सय रुपैयाँले बढ्यो
२०७८ असार २४ गते बिहिवार
बैंकिङ कसुरमा फरार रहेका निर्देशक शिशिर राणा पक्राउ
२०७८ असार २१ गते सोमवार
आठ महिनापछि खुल्यो हलेसी मन्दिर
२०७७ मङ्सिर १७ गते बुधवार
प्रधानमन्त्री ओलीको मोदीलाई सन्देश :‘सीमा समस्या वार्ताबाट समाधान गरौँ’
२०७७ मङ्सिर ११ गते बिहिवार