'
२ भदौ, बाँके । बाँकेमा कोरोना सङ्क्रमणबाट गए राति थप एक जनाको मृत्यु भएको छ । नेपालगन्ज उपमहानगरपालिका वडा नं. ५ निवासी ६२ वर्षीय पुरुषको नेपालगन्ज मेडिकल कलेजमा उपचारका क्रममा सोमबार राति पौने १२ बजेतिर मृत्यु भएको छ।
सोमबार मात्रै मृतकको पिसिआर रिपोर्ट पोजिटिभ आएको जिल्ला कोरोना फोकल पर्सन नरेश श्रेष्ठले जानकारी दिए ।
ती व्यक्तिमा साउन ३० गते लक्षणसहितको ज्वरो आएको भएपनि साउन ३२ गते मात्रै अस्पतालमा भर्ना भएका थिए । अन्तिमा उनलाई फोक्सोमा निमोनिया देखिएको र स्वास्थ्य स्थिति बिग्रँदै गएर मृत्यु भएको श्रेष्ठले जानकारी दिए ।
मृतकको घरपरिवार र नेपाली सेनासँगको समन्वयमा शव व्यवस्थापनको तयारी भइरहेको प्रमुख जिल्ला अधिकारी रामबहादुर कुरुम्वाङले जानकारी दिए ।
यो सँगै बाँकेमा कोरोना सङ्क्रमणबाट ज्यान गुमाउनेको सङ्ख्या चार पुगेको छ । यसअघि नरैनापुर, बैजनाथ, कोहलपुरका तीन जनाको कोरोना सङ्क्रमणबाट मृत्यु भएको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
तनहुँमा भरुवा बन्दुकसहित १ जना पक्राउ
२०७७ कार्तिक २५ गते मङ्गलवार
तुँवालोले घट्यो तापमान
२०७७ चैत्र १७ गते मङ्गलवार
प्रदेश १ मा थपिए १०३ जना कोरोना संक्रमित
२०७८ बैशाख ८ गते बुधवार
भागरथी हत्या प्रकरणमा आफन्तदेखि साथीसम्म निगरानीमा, यसरी हुँदैछ अनुसन्धान !
२०७७ माघ २८ गते बुधवार