'
२ भदौ, काठमाडौं । प्रिमियर लिग (सीपीएल) आजदेखि ट्रिनिडाड एण्ड टोबागोमा आजदेखि शुरु हुँदैछ । नेपाली स्टार स्पिनर सन्दीप लामिछानेको पहिलो खेल भने भोलि हुनेछ ।
सीपीएल आज राति ७ः४५ बजेदेखि शुरु हुनेछ । पहिलो खेलमा ट्रिनबागो नाइट राइडर्स र गुएना वारियर्स प्रतिश्पर्धा गर्नेछन् । नेपाली समयअनुसार भोलि बिहान ३ः१५ बजे हुने अर्को खेल बारबाडोस र सेन्ट किट्सबीच हुनेछ । कोरोनाभाइरस संक्रमणको जोखिमका काराण सबै खेल विना दर्शक खेलाइने छन् ।
सन्दीपको टीम जमैका तल्लाहवाजले पहिलो खेल बुधबार साँझ ७ः४५ मा सेन्ट लुसियाविरुद्ध खेल्नेछ । सीपीएल खेल्न आफू निकै उत्साहित भएको सन्दीपको भनाइ छ। सामाजिक सञ्जालमार्फत आफ्नो भनाइ सार्वजनिक गर्दै उनले कोरोना महामारीका कारण लामो समयपछि क्रिकेट खेल्न पाउँदा खुशी लागेको बताएका छन् ।
सन्दीप सीपीएल खेल्न गत १५ साउनमा ट्रिनिडाड एन्ड टोबागो गएका थिए । नियमित उडान बन्द गरिएको अवस्थामा उनी कोरियन एअरको चार्टर्ड जहाजमा टोबागो गएका हुन् ।
यसबीच सन्दीपको दुई पटक पीसीआर परीक्षण गराएका थिए । नेपाल र टोबागोमा गरिएको पीसीआर परीक्षणमा उनको रिपोर्ट नेगेटिभ आएको थियो । उक्त रिपोर्टसँगै सन्दीपको सीपीएल खेल्ने बाटो खुला भएको हो ।
यो सिजन सीपीएलका लागि जमैका तल्लावाहजले सन्दीपलाई ९० हजार अमेरिकी डलरमा अनुबन्ध गरेको छ । सन्दीपले यसअघि दुई पटक सीपीएल खेलिसकेका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कोरोना कहर : राजधानीका तीनवटा यातायात कार्यालयहरू अनिश्चितकाल बन्द
२०७७ असोज १९ गते सोमवार
कोरोना संक्रमणका कारण काठमाडौं कांग्रेस नेता रञ्जितको निधन
२०७७ भाद्र ९ गते मङ्गलवार
राष्ट्रिय वाणिज्य बैंकका ग्राहकको खाता नम्बर परिवर्तन, कसरी थाहा पाउने नयाँ नम्बर ?
२०७७ भाद्र १३ गते शनिवार
काठमाडौं, भक्तपुर र ललितपुर जिल्ला प्रशासन कार्यालयका अत्यावश्यक बाहेकका सबै सेवा स्थगित
२०७८ बैशाख १२ गते आइतवार