'
३ भदौ, काठमाडौं । अष्ट्रेलियाका प्रधानमन्त्री स्कट मरिसनले कोरोनाविरुद्धको भ्याक्सिन आफ्ना नागरिकलाई निःशुल्क उपलब्ध गराइने घोषणा गरेका छन् ।
यो विश्वमहामारीले अष्ट्रेलियामात्र होइन संसारकै अर्थव्यवस्था तहसनहस पारिरहेको अहिलेको अवस्थामा अष्ट्रेलिया सरकारले महत्वपूर्ण घोषणा गरेको हो ।
अष्ट्रेलियाले औषधि निर्माता कम्पनी एस्ट्राजेनेकासँग कोभिड-१९को सम्भावित भ्याक्सिनका लागि सम्झौतामा हस्ताक्षर गरिसकेको छ । प्रधानमन्त्री मरिसनले मंगलबार भने, ‘‘औषधि आपूर्ति गर्ने देशसँग सम्झौता गर्नुपर्छ नै ।’’
एक रिपोर्ट अनुसार एस्ट्राजेनेका प्रभावकारी भ्याक्सिन निर्माणको दौडमा सबैभन्दा अगाडि छ । सोही कम्पनीसँग अष्ट्रेलियाले आफूलाई आवश्यक पर्ने भ्याक्सिनको डोजका लागि आशयपत्रमा हस्ताक्षर गरेको हो ।
प्रधानमन्त्री मरिसनले भने, ‘‘यो सम्झौताले हामीले अष्ट्रेलियाका लागि भ्याक्सिनमा चाँडो पहुँच बनाएका छौं । यदि यो भ्याक्सिन सफल भयो भने हामी आफैं पनि भ्याक्सिन निर्माण गर्ने छौं । हाम्रा जनतालाई निःशुल्क उपलब्ध गराउने छौं ।’’
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
ओली, प्रचण्ड र देउवाबीच बालुवाटारमा छलफल
२०७७ भाद्र १ गते सोमवार
झापाका चार निजी अस्पतालमा कोभिड सङ्क्रमितको उपचार
२०७८ बैशाख २७ गते सोमवार
फर्निचर उद्योगमा आगलागी हुँदा ५० लाख बढीको क्षति
२०७७ चैत्र ३१ गते मङ्गलवार
आगामी दिनमा आउनसक्ने विपत्तिको सामना गर्न पूर्व तयारी आवश्यक : गृहमन्त्री थापा
२०७७ माघ २ गते शुक्रवार