'
११ भदौ, काठमाडौं । निर्माण तथा मर्मत सम्बन्धी ई-कमर्स कम्पनी ‘निर्माण साथी’ले घर तथा कार्यालयमा आउने विभिन्न समस्याहरुलाई समाधान गर्न आकस्मिक सेवा सुरु गरेको छ । कोभिड-१९ र निषेधाज्ञाबीच प्लम्बिङ, विद्युतीय, एसी, सोलार, रंगरोगन, सिपेज (चुहावट) रोकथाम लगायत ५० भन्दा बढी सेवाहरू दिन थालेको हो ।
कम्पनीका सीईओ कुमार भट्टका अनुसार निर्माण साथीको आफ्नो वेबसाइटमा गएर उपभोक्ताहरुले समस्याको समाधानका लागि आवश्यक सेवा अनलाइनबाटै बूक गर्ने व्यवस्था मिलाइएको छ । साथै ९८४१८११६२३ मा फोन गरेर अफलाइनबाट समेत बूक गर्न सकिने बताइएको छ ।
यसरी बूक गरेको दुई घण्टामै सेवा उपलब्ध गराइने भट्टले बताए । मर्मतको लागि आवश्यक सामग्री समेत निर्माण साथीले नै प्रबन्ध गरिदिने छ । निर्माण साथीका प्राविधिक मर्मतका लागि पुगेपछि गर्नुपर्ने कामको अवलोकन गरी शुल्क निर्धारण गरी काम गर्ने गरिएको छ ।
उपभोक्ता र कर्मचारी दुवैको स्वास्थ्य प्रती सजग हुँदै सेवामा खट्ने कर्मचारीका लागि कम्पनीले मास्क, स्यानिटाइजर र पीपीइको उपलब्ध गराएको छ । कर्मचारीको नियमित स्वास्थ्य परीक्षण गरिने र सम्पुर्ण कर्मचारीको कोरोना बिमा समेत गरिएको बताइएको छ । ग्राहकहरुको सुविधा र स्वास्थ्य सुरक्षा मध्यनजर गर्दै विभिन्न माध्यमबाट अनलाइन भुक्तानी गर्न सकिने कम्पनीले जनाएको छ ।
निर्माण साथीले दैनिक आइपर्ने समस्याबाहेक इन्जिनियरिङ परामर्श, डिजाईन, घर-निर्माण र घर-सजावटको काम समेत अनलाईनबाटै उपलब्ध गराउने कम्पनीका सह-संस्थापक समेत रहेका भट्ट बताउछन् । हाल काठमाडौ उपत्यकाको लागि मात्र उपलब्ध सेवाहरु निकट भविश्यमै देशभर बिस्तार गरिने योजना रहेको कम्पनीले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
हेर्नुहोस् यस्तो छ आजको सुनचाँदीको मूल्य ?
२०७८ साउन १४ गते बिहिवार
तिलगङ्गा आँखा अस्पतालबाट सिन्धुपाल्चोक खटाइएका नेत्र सहायक ४४ दिनदेखि बेपत्ता
२०७७ पुष १० गते शुक्रवार
नागढुङ्गा सुरुङमार्गमा ३२ कामदारमा कोरोना सङ्क्रमण देखियो
२०७८ जेष्ठ १२ गते बुधवार
पछिल्लो २४ घण्टामा थप १९ सय ४६ जनामा कोरोना संक्रमण पुष्टि
२०७७ कार्तिक २९ गते शनिवार