'
१२ भदौ, चितवन । चितवनमा शुक्रबार कोरोना संक्रमणका कारण दुई जनाको मृत्यु भएको छ । भरतपुरको पुष्पाञ्जली हस्पिटलमा एक पुरुष र चितवन मेडिकल कलेजमा एक महिला गरी दुई जनाको मृत्यु भएको हो ।
भरतपुरको श्री पुष्पाञ्जली अस्पतालमा उपचाररत भरतपुर महानगरपालिका २, क्षेत्रपुरका ५१ वर्षीय पुरुषको आज बिहान १० बजे मृत्यु भएको हो । अस्पतालले आज एक विज्ञप्ति जारी यसबारे पुष्टि गरेको हो ।
अस्पतालका अनुसार उनी भदौ ५ गते श्वासप्रश्वास समस्या भई अस्पतालमा भर्ना भएका थिए । सो क्रममा उनको स्वाब परीक्षणका लागि पठाइएकामा भदौ ८ गते उनमा कोरोना पोजेटिभ देखिएको थियो ।
यसैगरी चितवन मेडिकल कलेजमा उपचाररत हेटौंडा उपमहानगरपालिका १९ की ७१ वर्षीया महिलाको बिहान ६ बजेर ५० मिनेट जाँदा मृत्यु भएको हो । अस्पतालले प्रेस विज्ञप्ति जारी गरी उनको मृत्यु भएको पुष्टि गरेको छ ।
अस्पतालका अनुसार निमोनियाँ र दमको बिरामी ती महिलालाई यही भदौ ७ गते बिहान साढे ९ बजेको समयमा श्वासप्रश्वासको समस्या भई जटिल अवस्थामा चितवन मेडिकल कलेज ल्याइएको थियो । सोही बेला कोरोना परीक्षण गर्दा उनको रिपोर्ट पोजिटिभ आएको थियो ।
योसँगै आज मात्रै चितवनमा दुईजनाको कोरोना संक्रमणबाट मृत्यु भएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
डलर साटिदिने भन्दै ५ लाख रुपैयाँ ठगी
२०७७ असोज १ गते बिहिवार
सरकार कुनै पनि विषयमा विचलित छैन : प्रवक्ता गुरुङ
२०७७ फाल्गुन १४ गते शुक्रवार
दोलखामा फैलियो पिपिआरः १५ दिनमा ६१ बाख्रा मरे
२०७७ पुष २६ गते आइतवार
दाङमा असार ३१ गतेसम्म थपियो निषेधाज्ञा
२०७८ असार २२ गते मङ्गलवार