समाचार

विजयराम मृत्यु प्रकरण : प्रहरी निरीक्षकसहित दुई हवल्दार निलम्बित

garuda ma julus

१६ भदौ, रौतहट । रौतहटको गरुडास्थित विजयराम चमार मृत्यु प्रकरणमा तीन जना प्रहरी निलम्बनमा परेका छन् । प्रहरी हिरासतमा रहेका विजय रामलाई चरम यातना दिएको भन्दै प्रहरी निरिक्षक निविन कुमार सिंह सहित ३ प्रहरी निलम्बनमा परेका हुन् ।

गरुडा नगरपालिका वडा नम्बर ८ बसविट्टी जिंगडिया का २० वर्षीय निरन्जन रामको हत्या आरोपमा पक्राउ परेका उनको सोधपुछमा संलग्न इलाका प्रहरी कार्यालय गरुडाका सिंहसहित प्रहरी हवल्दार हिरोज मियाँ धुनिया र मन्नु कुमार सिंहलाई निलम्बन गरिएको रौतहटका प्रहरी प्रमुख एसपी रविराज खड्काले बताए ।

प्रहरी निरिक्षक सिंहलाई प्रहरी निमावली २०७१ नियम ११५ को देहाय (४) बमोजिम थप अनुसन्धान तथा जाँचबुझ समाप्त नहुन्जेलसम्मको लागि निलम्बन गरिदिनका लागि जिल्ला प्रहरी कार्यालय रौतहटलाई गृह मन्त्रालयको भदौ १५ गतेको सचिवस्तरीय निर्णयानुसार निलम्बन गरिएको तथा प्रहरी हवल्दारद्वय मियाँ धुनिया र मुन्ना कुमार सिंहलाई २ नं.प्रदेश प्रहरी कार्यालय जनकपुरधाम, धनुषाको भदौ १५ पत्रबाट ६ महिनाको लागि निलम्बन गरिएको हाे ।

गृह मन्त्रालयले जिल्ला प्रहरी कार्यालय रौतहटमा कार्यरत तीन जनालाई निलम्बन गरे पनि ईलाका प्रहरी कार्यालय गरुडाका प्रहरी नायब उपरिक्षक ज्ञान कुमार महतोलाई भने प्रदेश प्रहरी कार्यालयमा तानेको छ । तर उनलाई समेत दोषी देखाउँदै दलित समुदाय र स्थानीय बासिन्दा भने दैनिक आन्दोलित हुँदै आएका छन् ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस
प्रतिक्रिया दिनुहोस