'
१७ भदौ, तानसेन । पाल्पाको रामपुरमा सञ्चालित फुड बैंकमार्फत अतिविपन्न परिवारका करीब चार सय नागरिक लाभान्वित भएका छन् । जिल्लामा जारी निषेधाज्ञाका मारमा परेका नागरिकलाई लक्ष्य गरी लायन्स क्लब अफ रामपुरले नगरका विभिन्न स्थानमा सञ्चालन गरेको फुड बैंकमार्फत चार सय २१ नागरिकलाई खाद्यान्न सामग्री सहयोग गरेको छ ।
लायन्स क्लब रामपुरले ‘हुने खानेले हुँदा खानेलाई दिएर जाऔं, नहुनेले लिएर जाऔं’ भन्ने अभियानका साथ युथ युनियन मटेरी क्लब, रामपुर युवा क्लब, इस्लामिक सक्रिय युवा समाज, सिज नेपाल सदावर्त र भम्बक युनाइटेडको समन्वयमा फुड बैंक स्थापना गरी खाद्यान्न सामग्री वितरण गरेको हो ।
कोरोना भाइरस सङ्क्रमणको बढ्दो जोखिममा लागू गरिएको निषेधाज्ञाका कारण समस्यामा परेका असहाय, गरीब र विपन्न वर्गका नागरिकका लागि फुड बैंक स्थापना गरी खाद्य सामग्री वितरण गरिएको क्लबका अध्यक्ष खिमबहादुर केसीले बताए ।
यसले दैनिक जीविकोपार्जन गर्न समस्या परेका नागरिकलाई सजिलो परेको छ। फुड बैंकमार्फत एक व्यक्तिलाई पाँच किलो चामल, एक-एक किलो दाल, नुन र आधा लिटर खानेतेल वितरण गरिएको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
दुई वडाध्यक्षसहित जुवाको खालबाट १५ जना पक्राउ
२०७८ साउन १४ गते बिहिवार
डा. गोविन्द केसीको जीवन रक्षा गर्न सरकासँग माग
२०७७ असोज २ गते शुक्रवार
भारतका २२ राज्यमा कोरोना संक्रमणको रफ्तार तीव्र, सक्रिय संक्रमितको सूचीमा १३ औँ स्थानमा उक्लियो
२०७७ फाल्गुन १८ गते मङ्गलवार
बैंकका पूर्व कर्मचारी लागु औषधसहित पक्राउ
२०७७ भाद्र ११ गते बिहिवार