
२७ भदौ, काठमाडौं । कोभिड–१९ को महामारीविरुद्धको लडाईंमा चीनले नेपाललाई पाँच हजार थान टेन्ट सहयोग गरेको छ ।
नेपालका लागि चिनियाँ राजदूत हाउ यान्छीले ती टेन्ट नेपाललाई हस्तान्तरण गरिसकिएको जनाएकी छन् ।
‘पाँच हजार थान टेन्टको चिनियाँ सहयोग नेपाली साथीहरुलाई सफलतापूर्वक हस्तान्तरण गरिसकेका छौं,’ उनले सामाजिक सञ्जाल ट्विटरमा लेखेकी छन्, ‘प्राकृतिक विपद र कोभिड–१९ को महामारीविरुद्धको लडाईंमा नेपाललाई सहयोग गर्नका लागि हामीले आफ्नो उत्कृष्ट प्रयास गर्नेछौं ।’
https://twitter.com/PRCAmbNepal/status/1304756805734604806
चीनले यसअघि नेपाललाई कोरोना महामारीबिरुद्ध आवश्यक पर्ने पीपीई लगायतका स्वास्थ्य सामग्री र अन्य सहयोग पनि प्रदान गरेको थियो ।
प्रतिक्रिया दिनुहोस