
३ असोज, काठमाडौं । आजबाट युएईमा इण्डियन प्रिमियर लिग (आईपीएल) को १३ औं सिजन सुरु हुँदैछ ।
आज पहिलो म्याच डिफेन्डिङ च्याम्पियन मुम्बइ इन्डियन्स र चेन्नइ सुपर किंग्सबीच अबुधावीमा हुनेछ । आईपीएलको इतिहासमा यी दुई टोलीले चौथो पटक ओपनिङ म्याच खेल्दैछन् ।
अहिलेसम्म भएका ३ ओपनिङ म्याचमा २ म्याच मुम्बई इण्डियन्स र एक चेन्नई सुपरकिंग्सले जितेको छ । आईपीएलको फाइनल खेल १० नोभेम्बरमा हुनेछ । यस बेलामा ५३ दिनमा ८ टिमले १४/१४ म्याच खेनेछन् ।
टुर्नामेन्टमा एक एलिमिनेटर, २ क्वालिफायर र फाइनल समेत ६० म्याच हुनेछन् । खेल नेपाली समयानुसार आज बेलुकी ७ बजेर ४५ मिनेटबाट शुरु हुनेछ ।
प्रतिक्रिया दिनुहोस