'
३ असोज, सर्लाही । सर्लाहीको मलंगवामा हिन्दु र मुस्लिम पक्षबीच भएको झडपलाई लिएर आइतबार बिहान ८ बजे सम्मका लागि कर्फ्यू आदेश जारी गरिएको छ ।
मूर्ति विसर्जनको विषयलाई लिएर दुई समुदायबीचको विवाद झडपमा परिणत हुन थालेपछि हिंसा भड्किन नदिन स्थानीय प्रशासनले कर्फ्यु आदेश जारी गरेको हो । प्रमुख जिल्ला अधिकारी सुरेन्द्र पौडेलले स्थानीय प्रशासन ऐन २०२८ अनुसार सर्वसाधारणलाई घर बाहिर निस्कनै नपाउने गरी कर्फ्यु आदेश जारी गरिएको जानकारी दिए ।
बिहीबार विश्वकर्मा पूजाको मूर्ति शुक्रबार विर्सजन गर्न लैजाँदै गर्दा अवरोध भएपछि दुई समुदायबीच झडप भएको थियो । झडपमा दुवै तर्फका एक दर्जन भन्दा बढी घाइते भएका छन् ।
दुई समूहबीचको झडपपछि विश्वकर्मा पूजाको मूर्ति अहिले जिल्ला प्रहरी कार्यालय मलंगवामा राखिएको छ । घटनालाई साम्य पार्न बिहानैदेखि दुई पक्षबीच जिल्ला प्रहरी कार्यालयमा छलफल जारी छ । दुवै पक्षबाट धेरै मानिसहरु जम्मा हुन थालेपछि अप्रिय घटना नहोस् भन्ने अभिप्रायले कर्फ्यु आदेश जारी गरिएको प्रजिअ पौडेलले बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
जुम्लामा ओडारमा बस्ने वृद्धासहित चार जनाको उद्धार
२०७७ पुष २२ गते बुधवार
वर्षाले प्रदूषणबाट राहत
२०७७ चैत्र १९ गते बिहिवार
अवैधरुपमा सञ्चालन भइरहेका क्रसर उद्योगहरु तत्काल बन्द गराउन सरकारको निर्देशन
२०७७ कार्तिक २५ गते मङ्गलवार
यी हुन् काठमाडौंमा असोज १० देखि विद्यालय खोल्दा पालना गर्नुपर्ने न्यूनतम मापदण्ड
२०७८ असोज ७ गते बिहिवार