'
४ असोज, काठमाडौं । इन्डियन प्रिमियर लिग (आइपिएल) मा चेन्नई सुपरकिंग्सले विजयी सुरुवात गरेको छ । चेन्नईले शनिबार राति सकिएको पहिलो खेलमा साविक विजेता मुम्बई इन्डियन्सलाई ५ विकेटले पराजित गरेको हो ।
अबुधाबीमा खेलिएको खेलमा टस हारेर मुम्बईले २० ओभरमा ९ विकेटको क्षतिमा १६२ रन बनायो जवाफमा सीएसकेले १९.२ ओभरमा ५ विकेट गुमाएर उक्त लक्ष्य पछ्यायो । ओपनिङ खेलमा डिफेन्डिङ च्याम्पियन मुम्बईलाई सीएसकेले हराएको यो दोस्रो अवसर हो ।
मुम्बईका लागि सौरभ तिवारीले सर्वाधिक ४२ तथा क्विन्टन डिककले ३३ रन बनाए । सीएसकेका लागि लुंगी एनगिडीले ३ विकेट लिए ।
१ सय ६३ रन लक्ष्य पछ्याउने क्रममा सीएसकेको शुरुवात भने सुखद रहेन । शुरुवाती दुई ओभरमा नै टोलीले दुई विकेट गुमायो । त्यसपछि ७१ रन बनाएका अम्बाती रायडू र ५८ रन बनाएका फाफ डु प्लेसिसले खेल सम्हाले । दुई जनाले तेस्रो विकेटका लागि ११५ रनको साझेदारी गर्दै जीतको आधार तय गरे ।
योसँग महेन्द्रसिंह धोनीले कप्तानका रुपमा चेन्नाईलाई १ सयौँ खेल जिताउन सफल भएका छन् । कप्तानका रुपमा उनले सर्वाधिक १०५ खेल खेल जितेका छन् । ५ खेल उनले राइजिङ पुणे सुपरजायन्टसका लागि जितेका हुन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
गौरादहमा एक महिला मृतावस्थामा फेला
२०७८ असार ३१ गते बिहिवार
घुससहित नेपाल प्रहरीका सई र सशस्त्र प्रहरीका जवान पक्राउ
२०७७ कार्तिक १६ गते आइतवार
गोलभेँडाले मूल्य पाएन, कृषक मर्कामा
२०७८ साउन ८ गते शुक्रवार
दलितमाथिको विभेद अन्त्य नभएसम्म समृद्धि सम्भव छैन: मुख्यमन्त्री राउत
२०७७ माघ २३ गते शुक्रवार