'
४ असोज, काठमाडौं । आफूलाई प्रदेश १ का मुख्यमन्त्री शेरधन राईकी श्रीमती दाबी गरेर चर्चामा आएकी महिला बालिका खड्कालाई प्रहरीले नियन्त्रणमा लिएको छ ।
नेपाल कम्युनिष्ट पार्टी (नेकपा) को जारी सचिवालय बैठकबीच पेरिसडाँडास्थित पूर्वमाओवादीको केन्द्रीय कार्यालयमा प्रवेश गर्न खोजेपछि प्रहरीले उनलाई नियन्त्रणमा लिएको हो ।
उनले नेताहरूसँग भेट्ने भन्दै प्रवेश गर्न खोजेपछि उनलाई नियन्त्रणमा लिएको काठमाडौं प्रहरीका एसपी सोमेन्द्रसिंह राठौरले बताए ।
‘उहाँलाई सोधपुछका लागि नियन्त्रणमा लिइएको हो । उहाँ नेताहरूलाई भेट्न भन्दै कार्यालयभित्र जान खोज्दै हुनुहुन्थ्यो,’ उनले भने, ‘पछि भेट्नु भन्दा नमानेपछि नियन्त्रणमा लिइएको हो ।’
उनलाई महानगरीय प्रहरी प्रभाग कोटेश्वरमा राखेर सोधपुछ गरिरहेको छ । उनले किन भेट्न खोजेको हो भन्ने कुरा नखुलेको महानगरीय प्रहरी वृत्त बानेश्वरका प्रहरी नायब उपरीक्षक दक्ष बस्नेतले बताए ।
यसअघि खड्काले प्रदेश नम्बर १ का मुख्यमन्त्री शेरधन राईकी श्रीमती हुँ भन्दै अंश माग गरी मुद्दा दायर गरेर उक्त मुद्दा फिर्ता लिएकी थिइन् । उनले गत बिहीबार मुद्दा फिर्ता लिँदै अरूको उक्साहटमा मुद्दा दायर गरेको भन्दै फिर्ता लिएकी थिइन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
ज्योति विकास बैंकद्वारा सामरी स्वास्थ्य चौकीलाई बेबी वार्मर (न्यानो नानी) प्रदान
२०७७ फाल्गुन ११ गते मङ्गलवार
बाघको आक्रमणबाट बर्दियामा एक महिलाको मृत्यु
२०७८ जेष्ठ १८ गते मङ्गलवार
गण्डकी प्रदेशमा डेङ्गुका १०५ र स्क्रब टाइफसका ५४ बिरामी
२०७७ असोज १ गते बिहिवार
मास्क नलगाए सार्वजनिक गाडीमा चढ्न नपाइने
२०७८ असोज १४ गते बिहिवार