बैँक / वित्त

नेपालमै पहिलो पटक नबिल बैंकले सुरु गर्‍यो फोनबाट ऋण लिने सुविधा, यसरी पाइन्छ ऋण

Nabil Fone Loan

५ असोज, काठमाडौं । नबिल बैंकले मोबाइल फोनबाट ऋण उपलब्ध गराउने सुविधा ल्याएको छ। बैंकले नेपालमा पहिलो पटक फोनबााटै ऋण दिने सुविधा ल्याएको हो । बैंकमा तलबी खाताबाहक ग्राहकहरुलाई आवश्यकता अनुसार एक लाख रुपैयाँसम्म ऋण मोबाइलबाटै तुरुन्त उपलब्ध गराउने बैकले जनाएको छ ।

बिना धितो, बिना कागजी प्रक्रिया, बिना बैंक शाखा भ्रमण तथा तुरुन्त ऋण प्राप्त गर्न सकिने जस्ता विशेषताले गर्दा यो अत्यन्तै लोकप्रिय हुनुका साथै ग्राहकको केन्द्र बन्नसक्ने बैंकका प्रमुख कार्यकारी अधिृकत अनिलकेशरी शाहले बताए । उनले भने, ‘नेपालमा पहिलो पटक स्मार्ट बैंक एपमार्फत यति सहज र सरल सुविधा प्रस्तुत गर्न सक्नु गौरबको विषय हो ।’

कसरी पाइन्छ ऋण ?

यो एक नवीनतम डिजिटल सुविधा हो र यो सेवा बैंकले एफ १ सफ्ट इन्टरनेशनलको सहकार्यमा ल्याएको हो । नबिल स्मार्ट बैंकको विश्लेषणात्मक प्रविधिको महत्वपूर्ण भूमिका रहेको यस सेवामार्फत निवेदन दिएको केही मिनेटमै ग्राहकको ‘भर्चुअल क्रेडिट कार्ड’ मार्फत खातामा ऋण उपलब्ध गराइन्छ । यो सुबिधा लिन नबिलको स्मार्ट बैंक प्रयोगकर्ता हुनुपर्ने छ भने यस प्रकारको ऋण छोटो अवधिका लागि उपलब्ध रहने छ ।

फोन लोनका विशेषता
ऋण लिन इच्छुक ग्राहकले बैंकको शाखा भ्रमण गर्नुका साथै कुनै कागजी प्रक्रिया बिना नै नबिल बैंकले आफ्नो स्मार्ट बैंक एपको प्रयोग गरी ऋणका लागि निवेदन दिन सक्छन् ।
इन्स्ट्यान्ड लोन 
बैंकले सम्पूर्ण प्रक्रिया पूरा गरी तुरुन्त ऋण प्रवाह गर्दछ ।
बिना धितो ऋण 
ग्राहकको बैंकिङ कारोबारसँग निहीत भएकाले कुनै अतिरिक्त धितो आवश्यक नपर्ने
सुक्ष्म ऋण 
यस योजना अन्तर्गत रु एक लाखसम्म ऋणको सुविधा लिन सकिने छ ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *