'
७ असोज, काठमाडौं । बार्सिलोनाका स्टार स्ट्राइकर लुइस स्वारेज स्पेनिस ला लिगा टिम एथ्लेटिको मड्रिड जाने भएका छन् । नयाँ प्रशिक्षक रोनाल्ड कोम्यानको योजनामा नपरेपछि सुवारेज क्लब छाड्न बाध्य बनेका हुन् ।
यसअघि, सुवारेज युभेन्टस जाने तयारी गरे पनि पासपोर्टको समस्याका कारण उक्त करार बीचैमा तुहिएको थियो । त्यसपछि सुवारेजले एथ्लेटिकोसँग सम्झौता गरेका थिए ।
यद्यपि, बार्सिलोनाका अध्यक्ष जोसेप मारिया बार्टोमेउले उक्त सम्झौतामा अड्को थापेका थिए । किनभने उनी सुवारेज प्रतिद्वन्द्वी क्लबमा गएको चाहँदैन थिए । पछि, सुवारेजका प्रतिनिधिहरुसँगको छलफल पछि उनी सुवारेजलाई एथ्लेटिको जान दिन तयार भएका हुन् ।
एथ्लेटिकोले ३३ वर्षीय उरुग्वेन खेलाडीका लागि मात्र ४० लाख युरो खर्चिनु पर्नेछ । एथ्लेटिकोमा सुवारेजले बार्सिलोनामा कमाइरहेको वार्षिक ३ करोडभन्दा आधा मात्र तलब पाउनेछन् ।
योसँगै सुवारेज र बार्साको ६ वर्षे लामो सम्बन्ध अन्त्य भएको छ । यस क्रममा उनले २८३ खेलमा १९८ गोल गरे । उनी सन् २०१४ मा लिभरपुलबाट ७.४ करोड पाउन्डमा क्लब भित्रिएका थिए । यस क्रममा उनले क्लबलाई ४ ला लिगा उपाधि, चार कोपा डेल गरे र च्याम्पियन्स लिगको उपाधि जित्न सफल रहे ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
नारायणी र राप्तीमा जलपंक्षी गणना शुरु
२०७७ पुष २८ गते मङ्गलवार
भारतमा कोरोना निर्देशिकाको म्याद थप
२०७७ माघ १४ गते बुधवार
विमल घर्तीसहित १४ खेलाडी फुटबलको बन्द प्रशिक्षणबाट बाहिरिए
२०७७ पुष १८ गते शनिवार
आज मेलम्ची खानेपानी आयोजनाको सुरुङ पुनः परीक्षण गरिँदै
२०७७ फाल्गुन १० गते सोमवार