'
८ असोज, स्याङ्जा । स्याङ्जामा अविरल वर्षापछि गएको पहिरोमा परी ६ जनाको मृत्यु भएको छ ।
स्याङ्जाको वालिङ नगरपालिका वडा नम्बर १४ मा पहिरोले घर पुर्दा ५ जनाको मृत्यु भएको छ । पहिरोमा पुरिएका २८ वर्षीया उमाकला नेपाली, ४८ वर्षीया माया नेपाली, ३० वर्षीय दीपक नेपाली, ६० वर्षीया सानी नेपाली र ९ वर्षीय विवश नेपालीको शव निकालिएको प्रहरी नायव उपरीक्षक राजेन्द्र अधिकारीले जानकारी दिए ।
वालिङ १४ तमादीमा बिहीबार बिहान घर माथिबाट पहिरो झर्दा माया परियारको घर पुरिएको थियो । सो घरमा १० जना रहेको जनाइएको छ । उनीहरुमध्ये १६ वर्षका मनिषा नेपालीलाई जीवितै उद्धार गरी थप उपचारका लागि पोखरा लगिएको छ ।
बेपत्ता भएको ४ जनाको खोजी कार्य जारी रहेको प्रहरीले जनाएको छ। खोजी कार्यका लागि स्थानीय र सुरक्षाकर्मी जुटेका छन् । यस्तै बिहीबार बिहान कालीगण्डकी गाउँपालिका- ४ स्थित गौतमडाँडामा पहिरो जाँदा १८ वर्षे कृष्ण दमैको पनि मृत्यु भएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
पुतली सडकमा आगलागी
२०७७ साउन २६ गते सोमवार
सप्तरीमा करेन्ट लागेर हात्तीको मृत्यु
२०७७ पुष २५ गते शनिवार
पत्रकार थापाको हत्यामा संलग्न अभियुक्तलाई छोड्न वैद्य माओवादीको माग
२०७७ माघ २७ गते मङ्गलवार
बाजुरामा एकै परिवारका ५ जना ४ दिनदेखि बेपत्ता
२०७७ असोज १९ गते सोमवार