'
७ असोज, वीरगञ्ज । बाराबाट प्रहरीले १२ लाख १६ हजार रुपैयाँ नक्कली नोट सहित २ जनालाई पक्राउ गरेको छ । भारतिय सीमानासंग जोडिएकोे सिम्रौनगढ नगरपालिका ९ बसवरिया नहर नजिकैबाट नेपाली १२ लाख १६ हजार नक्कली नोट सहित दुई जनालाई बुधवार साँझ पक्राउ गरेको हो ।
पक्राउ पर्नेहरुमा बारागढी गाउँपालिका ५ सिंघासनी गाँउका २३ वर्षीय बलिराम चौधरी र भारत बिहार मोतिहारी जिल्ला घोडासहन थानाक्षेत्र अन्तरगत झरौखर घरभएका २७ बर्षिय संदिप कुमार रहेको प्रहरी प्रवक्ता डिएसपी गौतम मिश्राले जानकारी दिए ।
उनीहरुको साथमा रहेकोे पहेलो रंगको झोला भित्र रातो प्लाष्टिकमा एकहजार दरका १ हजार २१६ थना नोट लुकाई छिपाई राखेको अवस्थामा चेकजाँचको क्रममा फेला परेको बारा प्रहरी प्रवक्ता मिश्राले बताएका छन् ।
चोरीका मोबाइल खरीदबिक्री भैरहेको सुचनाको आधारमा खटिएको प्रहरी टोलीले बुधबार साँझ नक्कली नोट सहित उनीहरुलाई पक्राउ गरेको हो । साथै उनीहरुले प्रयोग गरेका बा.६४ प ९७०६ नं.को मोटर साईकल समेत प्रहरीले नियन्त्रणमा लिएको छ ।
उक्त नोट मोबाइल खरिदकर्ताहरुलाई दिई ३० थान मोबाइल लिई फरार भएको अनुसन्धानका क्रममा खुलेको प्रवक्ता मिश्राले जानकारी दिएका छन् ।
पक्राउ दुबैजनालाई जिल्ला नियन्त्रणमा राखेर थप अनुसन्धान भइरहेको तथा नक्कली नोट दिएर मोबाइल खरीदगरी फरारभएकाको खोजी भइरहेको जिल्ला प्रहरी कार्यालय बाराले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
विश्व बैंकको ७ अर्ब रुपैयाँ ऋण सहायता स्वीकार गर्ने मन्त्रिपरिषद्को निर्णय
२०७८ साउन ११ गते सोमवार
३० वर्षदेखि फरार अभियुक्त पक्राउ
२०७७ कार्तिक १९ गते बुधवार
नेपालले पायो विद्युत निर्यातको अनुमति, ३९ मेगावाट भारत निर्यात हुँदै
२०७८ कार्तिक १६ गते मङ्गलवार
सिरहाबाट कटुवा पेस्तोलसहित एकजना पक्राउ
२०७८ बैशाख ८ गते बुधवार