विश्व/प्रवास

राम चन्द्र श्रेष्ठ अमेरिकाको कनेक्टिकट राज्यमा नगर समिति सदस्य नियुक्त

ram chandra shrestha

डिसी । अमेरिकाको कनेक्टिकट राज्यमा बसोबास गर्दै आएका नेपाली मूलका राम चन्द्र श्रेष्ठ नगर समिती सदस्यमा नियुक्त भएका छन् । कनेक्टिकट राज्यको ब्रानफोर्ड टाउन (नगर)को नगर सदस्यमा श्रेष्ठ नियुक्त भएका हुन् ।

गत सेप्टेम्बर २४ का दिन उनलाई उक्त नगरपालिकाको नगर सदस्यमा नियुक्त गरिएको हो । उक्त नगरपालिकामा एक पद रिक्त भएपछि श्रेष्ठलाई उक्त नगरमा उनले गरेका क्रियाकलाप, गतिबिधि र योगदानको कदर तथा मूल्यांकन गर्दै उनलाई उक्त पदमा ल्याइएको हो ।

उक्त पद २ बर्षको रहेता पनि १० महिनामा मै एक पद रिक्त हुन आएकाले श्रेष्ठले अब बाँकी १ बर्ष २ महिना (अर्थात् १४ महिना )समय अवधिसम्म काम गर्नुपर्ने छ ।

नेपाल सिन्धुपाल्चोक चौतरा घर भै हाल कनेक्टिकट राज्यको ब्रानफोर्ड नगरमा बस्दै आएका श्रेष्ठ सफल व्यवसायी पनि हुन् । १९९६ मा अमेरिका आएका श्रेष्ठ २० वर्ष देखि उक्त शहरमा चमेनागृहको व्यवसायमा संलग्न छन् ।

श्रेष्ठले आफूलाई नियुक्ति गर्ने सबैलाई धन्यवाद दिँदै नेपाल र नेपालीको नाम सदैव उच्च राख्ने बताए ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस
प्रतिक्रिया दिनुहोस