'
१२ असोज, काठमाडौं । साहित्यकार मोदनाथ प्रश्रितले पद्मश्री साधना पुरस्कार नलिने बताएका छन् । आज एक विज्ञप्तिमार्फत आफूलाई पुरस्कार दिने घोषणा गरेको खेम हरिकला समाज कल्याण परिषदप्रति आभार व्यक्त गर्दै पुरस्कार नलिने बताएका हुन् ।
‘खेम हरिकला समाज कल्याण परिषदले मलाई पद्मश्री साधना सम्मान दिने निर्णय गरेकोमा संस्थाप्रति आभार प्रकट गर्दछु’, विज्ञप्तिमा प्रश्रितले भनेका छन्, ‘यो समाचार प्रकाशित भएपछि अप्रमाणित विषय सुनियोजित रुपमा उठान गरी मेरो चरित्र हत्या गर्न केही व्यक्ति तथा समूह लागेको सन्र्दभमा मैले यो पुरस्कार नलिने निश्चय गरेको व्यहोरा सूचित गर्दछु ।’
प्रतिष्ठानले २०७६ सालको पद्यमीश्री सम्मान प्रश्रित र पद्यमश्री साहित्य पुरस्कार सञ्जीव उप्रेतीको उपन्यास ‘हंस’ लाई प्रदान गर्ने निर्णय गरेको थियो । यो निर्णय सार्वजनिक भएसँगै उप्रेतीले सोथ एउटै मञ्चवाट प्रश्रित र आफूलाई प्रदान गरिने उक्त पुरस्कार नलिने घोषणा गरेका थिए । पद्मश्री साहित्य पुरस्कार र पद्मश्री साधना सम्मानको राशि रु.३ लाख रुपैयाँ रहेको छ ।
२०६३ सालदेखि खेमलाल–हरिकला लामिछाने प्रतिष्ठानले नेपाली साहित्यका वर्षभरि प्रकाशित पुस्तकमध्ये निर्णायक मण्डलले उत्कृष्ट ठहर्याएको पुस्तकलाई प्रत्येक वर्ष पद्मश्री साहित्य पुरस्कार प्रदान गर्दै आएको छ भने साहित्य, कला, सङ्गीत, अभिनय आदि क्षेत्रमा दीर्घ साधना गर्ने वरिष्ठ साधकलाई पद्मश्री साधना सम्मान दिंदै आएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
खुकुरी रमले आफ्नो प्याकेजिङ परिवर्तन गर्दै
२०७८ कार्तिक १७ गते बुधवार
सुनकोशी नदीमा तैरँदै गरेको अवस्थामा ३ शव फेला
२०७८ असार २ गते बुधवार
गाँजाखेतीबाट आर्थिक समुन्नति र मानव जीवनको रक्षा हुन्छ, प्रतिबन्ध हट्नुपर्छ : उपसभापति निधि
२०७७ मङ्सिर २३ गते मङ्गलवार
मस्तिष्कमा नराम्रो असर पार्ने ६ खानेकुरा
२०७८ असोज ७ गते बिहिवार