'
२७ असोज, चितवन । चितवन राष्ट्रिय निकुञ्जको पश्चिम सेक्टरमा एउटा गैंडा मृत अवस्थामा फेला परेको छ ।
निकुञ्जको मुख्य क्षेत्र मानिने पश्चिम सेक्टरअन्तर्गत नवलपरासी (बर्दघाट–सुस्तापूर्व)को विनयीत्रिवेणी गाउँपालिकास्थित भेलौजी (कठौना)मा सोमबार सडेको अवस्थामा एउटा मृत गैंडा फेला परेको हो ।
करिब ३०–३५ वर्षको भाले गैंडा कठौनास्थित नारायणी नदी किनारमा मृतावस्थामा फेला परेको निकुञ्जले जनाएको छ । मृतक गैंडाको प्रकृति हेर्दा करिब एक महिना अगाडि मरेको हुनसक्ने निकुञ्जका सहायक संरक्षण अधिकृत एवं सूचना अधिकारी अशोक रामले बताए । सडेको अवस्थामा भेटिएको मृत गैंडा अर्को भाले गैंडासँग जुधेर घाइते भएपछि मरेको हुन सक्ने अनुमान गरिएको उनको भनाइ छ । मृत गैंडाको खाग र खुर भने सुरक्षित रहेको बताइएको छ ।
चालू आर्थिक वर्ष २०७७/७८ को साउनयता निकुञ्जमा नौवटा गैंडाको मृत्यु भइसकेको छ भने असोज महिनामा मात्रै छवटा गैंडा मृत भेटिएका छन् ।गैंडाको प्राकृतिक मृत्युदर बढ्न थालेपछि यसबारे अध्ययन गर्ने तयारी भइरहेको निकुञ्जका सूचना अधिकारी रामले बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
शान्ति स्थापनार्थ गोरखबहादुर गण दक्षिण सुडानतर्फ
२०७७ कार्तिक २३ गते आइतवार
महिला ट्रेकिङ्ग उधमीहरूलाई प्रभु बैंकले दियो सहुलियतपूर्ण कर्जा
२०७७ फाल्गुन ५ गते बुधवार
महालक्ष्मी लाइफ इन्स्योरेन्सले बीमाशुल्क भुक्तानीको विलम्ब शुल्कमा छुट दिने
२०७८ जेष्ठ २७ गते बिहिवार
अब दलालीमार्फत घरजग्गा कारोबारमा प्रतिबन्ध
२०७७ चैत्र २४ गते मङ्गलवार