'
२८ असोज, काठमाडौं । आगामी कात्तिक ७ गतेदेखि नेपालमा प्रसारण हुने विदेशी टेलिभिजन च्यानलहरुले विज्ञापनरहित (क्लिन फिड) प्रसारण गर्नुपर्ने सञ्चार तथा सूचना प्रविधि मन्त्रालयले जनाएको छ।
विज्ञापन (नियमन गर्ने) ऐन, २०७६ को दफा ६ (१) अनुसार नेपालमा प्रसारण हुने विदेशी टेलिभिजन च्यानलहरुले विज्ञापनरहित (क्लिन फिड) प्रसारण गर्नुपर्ने र ऐन प्रारम्भ हुँदाको बखतमा विदेशी च्यानलसँग डाउनलिङ्क गरी प्रसारण गर्ने सम्झौता गरिसकेका संस्थाहरुले ऐन प्रारम्भ भएको मितिले १ वर्षभित्र अर्थात २०७७ कात्तिक ७ गतेभित्र विज्ञापनरहित प्रसारण गर्नुपर्ने स्पष्ट कानुनी व्यवस्था रहेको मन्त्रालयले जनाएको छ ।
मन्त्रालयका सचिवलाई सम्बोधन गरी विभिन्न माध्यमबाट इन्डियन ब्रोडकास्टिङ फोरम, डिस्कभरी नेटवर्कस्, बीबीसी न्युज, नेपाल केबल टेलिभिजन महासंघलगायत संघ-संस्थाबाट विज्ञापनरहित प्रसारणको म्याद थप गर्न माग गरिएको विषयमा मन्त्रालयको ध्यानाकर्षण भएको पनि विज्ञप्तिमा जनाइएको छ ।
मन्त्रालयका सहसचिव एवं प्रवक्ता गोकर्णमणि दुवाडीले जारी गरेको विज्ञप्तिमा भनिएको छ, “२०७७ कात्तिक ७ गतेभित्र विज्ञापनरहित (क्लिन फिड) प्रसारण गर्नुपर्ने व्यवस्था भएकाले ऐनको मर्म र भावनाअनुरुप तोकिएको मितिदेखि विज्ञापनरहित (क्लिन फिड) प्रसारण गर्न/गराउन सम्बन्धित सबै संघ-संस्थाहरुलाई अनुरोध गरिएको छ । २०७७ कात्तिक ७ गतेभित्र विज्ञापनरहित (क्लिन फिड) प्रसारण नभए प्रचलित कानुनबमोजिम हुने व्यवहोरासमेत जानकारी गराइन्छ ।”
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
काँग्रेस नेता जोशीले सुरु गरे कोरोना जोखिम न्यूनीकरण तथा उपचार सहजीकरण अभियान
२०७७ कार्तिक १९ गते बुधवार
५० हजार घुस माग्दै गरेको अभियोगमा पक्राउ
२०७७ फाल्गुन १३ गते बिहिवार
संसद् पुनःस्थापना एकसूत्रीय माग : वरिष्ठ नेता पौडेल
२०७७ माघ ११ गते आइतवार
प्रधानमन्त्री ओलीको गृहजिल्लामा यसरी हुँदैछ निर्वाचनको तयारी
२०७७ माघ ११ गते आइतवार