'
२८ असोज, हेटौंडा । बडादशैं र तिहारका लागि भन्दै मकवानपुरको हेटौंडालगायत विभिन्न ठाउँमा आजदेखि पुरानो नोट वितरण शुरु गरिएको छ । सरकारी स्वामित्वको र निजी क्षेत्रबाट सञ्चालित बैंकले सर्वसाधारण र कर्मचारीलाई आवश्यकता अनुसार विभिन्न दरको पुरानो नोट आजदेखि वितरण शुरु गरिएको नेपाल राष्ट्र बैंक हेटौंडाले जनाएको छ ।
कोभिड–१९ सङ्क्रमणको उच्च जोखिमलाई न्यूनीकरण गर्न नेपाल राष्ट्र बैंकले सदाझैं यस वर्षको बडादशैं र तिहारमा नयाँ नोट वितरण नगर्ने भनी विज्ञप्ति प्रकाशित गरिएकोले सर्वसाधारणलाई नयाँ नोटको अभाव खड्किएको छ ।
यहाँका उद्यमी, शिक्षक निजामति कर्मचारी, प्रहरी, नेपाली सेना र सर्वसाधारण सेवाग्राहीलाई उनीहरुको माग बमोजिम नच्यातिएको पुरानो नोट वितरण शुरु गरिएको राष्ट्रिय वाणिज्य बैंक हेटौंडा शाखाका प्रबन्धक हेमराज मरहठ्ठाले जानकारी दिए ।
उनका अनुसार बैंकले सेवाग्राहीको माग बमोजिम रु एक हजार, पाँच सय, एक सय, ५०, २०, १०, पाँच र रु दुई दरका पुरानो नोट वितरण गरिरहेको छ । मकवानपुरमा नेपाल बैंक लिमिटेड, कृषि विकास बैंक, राष्ट्रिय वाणिज्य बैंक र निजी क्षेत्रबाट सञ्चालित विभिन्न बैंक गरी २८ वटा बैंकले अहिले दिनहुँ रु २५ करोड बराबरको दैनिक रकम सर्वसाधारण र कर्मचारीले भुक्तानी लिने गरेको नेपाल बैंक सिटी आफिस हेटौंडाका प्रबन्धक सुरेश लामिछानेले बताए ।
पुराना च्यातिएका नोटलाई अलग राखी नच्यातिएका सफा नोटलाई प्याकिङ गरी वितरण गरिएको र ती नोट वितरण गर्न लाइनबद्ध गरी भीडभाड नगरिने र स्वास्थ्य सुरक्षाका मापदण्ड अपनाई सर्वसाधारणलाई वितरण गर्ने कार्यलाई तीव्रता दिइएको पनि नेपाल बैंकका प्रबन्ध लामिछानेले बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
काठमाडौंका मुख्य सडकमा दुई हजार आधुनिक बत्ती जडान गरिँदै
२०७७ मङ्सिर २६ गते शुक्रवार
अन्तराष्ट्रिय सीमा कात्तिक मसान्तसम्म बन्द गर्ने सरकारको निर्णय
२०७७ असोज २६ गते सोमवार
‘कमेडी च्याम्पियन’ सिजन–२ काे डिजिटल अडिसन सुरु
२०७७ भाद्र १५ गते सोमवार
कपिलवस्तुमा फेरी थपियो निषेधाज्ञा
२०७७ साउन ३२ गते आइतवार
