'
२९ असोज, दाङ । सामाजिक सञ्जाल इमोमार्फत लट्रि पर्यो भनेर ठगी गर्ने तीन जनालाई प्रहरीले पक्राउ गरेको छ । दाङको लमही नगरपालिका–५ निवासी दुई जना महिलालाई इमोमार्फत चिठ्ठा पर्यो भनेर गठी गरेको आरोपमा प्रहरीले उनीहरुलाई पक्राउ गरेको हो ।
पक्राउ पर्नेमा रौतहट जिल्ला दुर्गा भगवती गाउँपालिका–६ निवासी १८ बर्षीय सुमन झा, रौतहट जिल्ला गोनाही–६ निवासी ५० बर्षीय सोनालाल ठाकुर र पर्सा जिल्ला विरगंज महानगरपालिका–१६ नगवा बस्ने १८ बर्षीय राजनारायण चौरसिया रहेको जिल्ला प्रहरी कार्यालय दाङका प्रहरी प्रमुख गणेश चन्दले जानकारी दिएका छन ।
उनीहरुले गत असोज २२ गतेका दिन इमोमार्फत ठुलो धनराशीको प्रलोभन देखाई ती महिलालाई आईएमई तथा विभिन्न व्यक्तिगत बैंक खातामार्फत त्रिसठ्ठी हजार रुपैया रकम पठाउन लगाएका थिए । उक्त रकम पठाईसकेपछि पनि पुनः फोन, म्यासेज, भ्वाईकलका माध्यमबाट थप रकम पठाउन बारम्बार आग्रह गरेपछि महिलाहरुले आफु ठगिएको महसुश गरेर प्रहरी कार्यालयमा निवेदन दिएका थिए ।
त्यही निवेदनको आधारमा प्रहरीले अनुसन्धान अघिबढाउँदा रौतहट र पर्सा जिल्लाबाट उनीहरुलाई पक्राउ गरेको प्रहरी प्रमुख चन्दले बताए । पक्राउ परेका व्यक्तिहरुलाई सात दिनको म्यादथप गरी अनुसन्धान भैरहेको जिल्ला प्रहरी कार्यालय दाङले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
बलात्कारीलाई मृत्युदण्डको पैरवी
२०७७ असोज १३ गते मङ्गलवार
स्थानीय तहमा आफ्नै पाठ्यक्रम हुने
२०७७ माघ २४ गते शनिवार
पोखरा महानगरपालिकाले १०४ श्ययामा अक्सिजन पाइप जडान गर्ने
२०७७ कार्तिक १७ गते सोमवार
नेकपा सचिवालय बैठक आज बस्दै
२०७७ असोज १७ गते शनिवार