'
३० असोज, काठमाडौं । दसैं नजिकिएसँगै बजारमा चहलपहल बढे पनि व्यापार नभएको व्यवसायीहरुले बताएका छन् ।
काठमाडौं उपत्यकाका मुख्य बजार क्षेत्र, न्युरोड, महाबौद्ध, इन्द्रचोक, असन, मखन टोललगायतको क्षेत्रमा दसैं नजिकिएसँगै किनमेल गर्नेहरुको चहलपहल बढेको देखिन्छ । कोभिड १९ संक्रमणको जोखिम भए पनि मानिसहरु आवश्यक सामग्री किनमेल गर्न बजार पुग्ने गरेका छन् । जसका कारण मुख्य-मुख्य बजार क्षेत्रमा चहलपहल विस्तारै बढ्दै गएको छ ।
बजारमा मानिसहरुको आवागमन बढेको भएपनि व्यापार नभएको व्यवसायीहरुले बताएका छन् । न्यूरोड मखनटोलस्थित सुरज आर्केड व्यापार संघका महासचिव सुरेश श्रेष्ठले व्यापार नै नहुँदा कतिपय व्यापारीहरु पलायन हुने स्थितिमा पुगेको बताए । कोभिड १९ रोकथामका लागि लामो समय लकडाउन हुँदा समेत सरकारबाट कुनै राहत नपाएको गुनासो समेत उनले गरे । अहिले व्यवसाय खुल्ला भएपनि तीन/चार दिनमा एकपटक मात्रै बोहनी हुने गरेको उनले बताए । दशैंको बेलामा पनि व्यापार नहुँदा झनै समस्यामा परेको श्रेष्ठले बताए ।
कोभिड संक्रमणको जोखिमका कारण भिड हुने बजार क्षेत्रमा नजान सरकारले आग्रह गरिरहेको छ । यस्तो समयमा अत्यावश्यकबाहेक सामग्री खरिद गर्न मानिसहरु बजार गएको पनि देखिँदैन । त्यसैले पनि लत्ताकपडा, जुत्ता, मोबाइल, गरगहनालगायतको व्यापार कम भएको व्यापारीहरुको भनाइ छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
झण्डै बीस वर्षपछि सुरू भयो बाजुरा-धनगढी उडान
२०७७ भाद्र २८ गते आइतवार
गैँडाकोटमा अत्यावश्यक बाहेकका सेवा बन्द
२०७८ बैशाख २२ गते बुधवार
वैशाखमा चुनाव हुनै सक्दैन, प्रतिनिधिसभा पुनःस्थापना गरेरै छाड्छौंः भुसाल
२०७७ पुष १३ गते सोमवार
केरुङ–काठमाडौं रेलमार्ग : डीपीआर बनाउन प्रस्ताव गर्ने तयारी
२०७७ कार्तिक २५ गते मङ्गलवार