'
३० असोज, ललितपुर । ललितपुर जिल्ला प्रशासन कार्यालयले आइतबारदेखि अत्यावश्यकबाहेकका सेवा बन्द गर्ने भएको छ । आज जिल्ला कोभिड १९ संकट व्यवस्थापन केन्द्रले सरोकारवाला निकाय तथा स्वास्थ्य विज्ञसँगको छलफलमा सो निर्णय भएको जनाएको छ ।
‘कात्तिक २ देखि ललितपुर जिल्लाभित्र अत्यावश्यक सेवाबाहेकका सेवा प्रवाह अर्को सूचना नभएसम्मका लागि स्थगित गरिएको छ’ जिल्ला प्रशासन कार्यालयले जारी गरेको सूचनामा उल्लेख छ ।
काठमाडौं उपत्यकामा कोरोना भाइरस संक्रमणको दर अत्याधिक बढिरहेको अवस्थामा सार्वजनिक सेवा प्रवाह गर्दा सेवाग्राहीहरुको भिडभाड अत्याधिक बढ्न गई सेवाग्राहीमा संक्रमण फैलन सक्ने उच्च जोखिम रहेकाले सेवा प्रवाह स्थगित गर्नु परेको सहायक प्रमुख जिल्ला अधिकारी ललितकुमार बस्नेतले जानकारी दिए ।
जिल्ला कोभिड १९ संकट व्यवस्थापन केन्द्र, सरोकारवाला निकाय, स्वास्थ्य विज्ञ, सुरक्षा निकायसँगको छलफल, परामर्श एवं निष्कर्षको आधारमा अत्यावश्यकबाहेकका सेवा प्रवाह स्थगित गर्ने निर्णय भएको उनले बताए ।
प्रशासनले जारी गरेको सूचना :
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
भागरथी हत्या प्रकरण : बलात्कारपछि हत्या भएको पुष्टि
२०७७ माघ २६ गते सोमवार
२१ वामपन्थी दल : महामारीमा सरकारले जनताको उपचार नगर्नु संविधान उल्लंघन हो
२०७७ कार्तिक ३ गते सोमवार
नेपाल एयरलाइन्समा कोरोना संक्रमित यात्रु, सँगै आएका ५४ जना क्वारेन्टीनमा
२०७७ पुष १६ गते बिहिवार