'
१ कात्तिक, धनगढी । कञ्चनपुर सदरमुकाम महेन्द्रनगरस्थित कार्यालयको कार्यकक्षमा अचेत अवस्थामा फेला परेका एक बिमा कम्पनीका म्यानेजरको उपचारका क्रममा मृत्यु भएको छ ।
रिलायन्स कम्पनीका शाखा म्यानेजर गणेश साउदको धनगढीको माया मेट्रो अस्पतालमा शुक्रबार राति उपचारका क्रममा मृत्यु भएको हो । शुक्रबार दिउँसो २ बजे कार्यकक्षमै उनी बेहोस भएको अवस्थामा फेला परेका थिए ।
उनलाई उपचारका लागि कार्यालयका कर्मचारीले धनगढीस्थित माया मेट्रो अस्पताल पुर्याइएको थियो । स्थायी ठेगाना बैतडी जिल्लाको सुर्नया गाउँपालिका–४ घर भएका उनी हाल कञ्चनपुरको भीमदत्त नगरपालिका–१८ जानकी टोल बस्दै आएका थिए ।
घटनास्थल नजिकैबाट सल्फासको बोतल फेला परेको प्रहरीले जनाएको छ । ‘वान्ता गरेको र बेहोस भएर ढलेको अवस्थामा फेला परेपछि उपचारका लागि धनगढी पुर्याइएको भए पनि उनको अवस्था बिग्रिएपछि मृत्यु भएको हो,’ जिल्ला प्रहरी कार्यालय कञ्चनपुरका प्रहरी नायव उपरीक्षक अमर थापा क्षेत्रीले भने ।
अहिले उनको शवलाई पोष्टमार्टमका लागि महाकाली अस्पतालमा राखिएको छ । पोष्टमार्टमको रिपोर्टको आधारमा घटनाको अनुसन्धान गरिने प्रहरीले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
ज्योति लाइफ इन्स्योरेन्स पाँचौ वर्षमा, यस्तो छ वित्तीय अवस्था ?
२०७८ असोज ८ गते शुक्रवार
कालीकोटको पहिरोमा पुरिएर मृत्यु हुनेको संख्या १० पुग्यो (अपडेट)
२०७७ भाद्र १४ गते आइतवार
सबै तहका परीक्षा सञ्चालन गर्न दिने सरकारको निर्णय
२०७७ असोज २१ गते बुधवार
नेकपाको आन्तरिक झगडाले मुलुकको विकास रोकिँदैनः मुख्यमन्त्री गुरुङ
२०७७ मङ्सिर २७ गते शनिवार