'
१ कात्तिक, ओखलढुंगा । सिद्धिचरण नगरपालिका–५ स्थित सानीटारमा शुक्रबार र शनिबार गरेर २९ बाँदर पोखरीमा हाम फालेर मरेका छन् । शुक्रबार सिंचाइका लागि निर्माण गरिएको पोखरीमा डुबेर २२ वटा बाँदर मरेका थिए । स्थानीयले १२ वटा बाँदरको जिवितै उद्धार गरेका थिए । स्थानीय बासिन्दा र वन डिभिजन कार्यालयका कर्मचारीले उद्धार गरेका हुन् ।
शनिबार दिउँसो फेरि ७ वटा बाँदर पोखरीमा हाम फालेर मरेका स्थानीय देवकुमार दाहालले बताए । उनले बाँदर दैनिक पसेर मर्न थालेपछि पोखरीको पानी खोलेर रित्तो पारेको जनाए । बाँदरले सधैं अन्नबाली खाएर दुःख दिने क्षेत्र मानिने सानीटारमा ठूलो संख्यामा बाँदरको मृत्यु भएको हो ।
सिंचाइका लागि निर्माण गरिएको ६ फिट गहिरो सिमेन्टको पोखरीमा अन्य समयमा पनि बाँदरले पानी खाने गरेका थिए । पानी पिउने क्रममा बाँदरका बच्चा पोखरीमा खसेको र उद्दारका लागि अरु बाँदरसमेत पसेकाले निस्कन नसकेर मरेको हुनसक्ने वन डिभिजन कार्यालयका प्रमुख भरतबाबु श्रेष्ठको अनुमान छ ।
बाँदरको सामूहिक मृत्यु भएपछि वडाका जनप्रतिनिधि, वन डिभिजन कार्यालयका कर्मचारी र स्थानीयको रोहबरमा मुचुल्का उठाएर सद्गत समेत गरिएको छ । शनिबार समेत बाँदर मरेपछि वन डिभिजन कार्यालयका अधिकृतसहितको टोली घटनास्थलमा पुगेको छ ।
नियमित पानी खान आउने बाँदर पोखरीमा पसेपछि निस्कन नसकेको आँकलन गर्दैै पोखरीमा काठको भ¥याङ समेत राखिएको छ । पोखरीमा पानी खान आउन बाँदरलाई सहजताका लागि भ¥याङ निर्माण गरिएको डिभिजन प्रमुख श्रेष्ठको भनाइ छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
व्यास नगरपालिकाद्वारा चौध ढुङ्गा उद्योगलाई उत्खनन अनुमति
२०७८ साउन २ गते शनिवार
दाङमा मोटरसाइकल दुर्घटना हुँदा एकको मृत्यु, एक जना घाइते
२०७७ असोज २० गते मङ्गलवार
अक्सिजनको सहज उपलब्धता गराइदिन चिकित्सक संघको माग
२०७८ बैशाख २५ गते शनिवार
महाधिवेशन कार्यतालिका फेर्दै कांग्रेस
२०७७ कार्तिक २७ गते बिहिवार