'
३ कात्तिक, काठमाडौं । प्रमुख प्रतिपक्षी दल नेपाली कांग्रेसले आफ्ना सांसदले पाएको दशैं भत्ता फिर्ता गर्ने भएको छ । पार्टीका शीर्ष नेताको टेलिफोन संवादपछि सांसदहरु दशैं भत्ता फिर्ता गर्ने निष्कर्षमा पुगेको काँग्रेस संसदीय दलका प्रमुख सचेतक बालकृष्ण खाणले जानकारी दिए ।
त्यसका लागि संसदीय दलले केही समयमै दशैं भत्ता फिर्ता गर्ने औपचारिक निर्णयसहितको विज्ञप्ति निकाल्ने बताए । खाणले संसदीय दलका नेतासमेत रहेका पार्टी सभापति शेरबहादुर देउवाले सांसदको दशैंभत्ता फिर्ताका लागि निर्देशन पनि दिएको बताए ।
दशैंभत्ता फिर्ताका लागि संघीय संसद् सचिवालयलाई पत्र पठाउने तयारी भइरहेको खाणले जानकारी दिए । दशैं भत्ताको चौतर्फी विरोध भएपछि प्रमुख सचेतक खाण, सांसदहरु प्रकाशमान सिंह र गगन थापाले दशैंभत्ता फिर्ताको घोषणा गरेका थिए ।
संसदीय दलले निर्णय गरेर सबैको भत्ता फिर्ता गर्नपर्ने सांसदहरुबाट नै आवाज उठेपछि संसदीयले संस्थागत निर्णय गर्न लागेको हो । प्रतिनिधि सभामा कांग्रेसका ६३ सांसद छन् । दशैं भत्तावापत संसद सचिवालयले प्रतिसांसद ६४ हजार ७० रुपैयाँ बैंक खातामा पठाइसकेको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
बुर्किनाफासोमा तीन युरोपेली पत्रकारको हत्या
२०७८ बैशाख १५ गते बुधवार
दसैँका लागि टिकट बुकिङ खुला (फोटोफिचर)
२०७८ असोज ११ गते सोमवार
रानीखेत रोगको प्रकोपका कारण लाखौं कुखुरा मरे
२०७८ जेष्ठ १० गते सोमवार
रोनाल्डोले बराबरी गरे सर्वाधिक अन्तर्राष्ट्रिय गोलको किर्तिमान
२०७८ असार १० गते बिहिवार