'
१४ कात्तिक, काठमाडौं । पर्सामा नेकपाका दुई गुटबीच भएको झडपमा मारिएका नेकपाका जिल्ला सदस्य मुकेश चौरसीयाको हत्या भएको ८ दिनपछि मात्रै अन्त्येष्टि गरिएको छ ।
बिहीबार सरकारी वकिलको कार्यालयमार्फत पर्सा प्रहरीले १२ जनाविरुद्ध ज्यानसम्बन्धी कसुरमा मुद्दा दर्ता गरेको भोलिपल्ट मृतकका परिवारले चौरसियाको शव बुझेर अन्त्येष्टि गरेको हो ।
पीडित परिवारले हत्यामा संलग्नविरुद्ध जाहेरी दिएपनि प्रहरीले दर्ता गर्न नमान्दा ८ दिनदेखि चौरसियाको शव वीरगञ्जस्थित नारायणी अस्पतालमा राखिएको थियो ।
मुकेशको शवलाई उनकै गाउँ विन्दवासिनी गाउँपालिकास्थित बहुअर्वाभाठामा लगेर शुक्रबार साँझ अन्त्येष्टि गरिएको हो । मुकेशको शवमा नेकपाका स्थायी कमिटी सदस्य एंव पूर्वमन्त्री मातृका यादवले नेकपाको झण्डा ओढाएर श्रद्धान्जली दिएका थिए ।
अन्त्येष्टिमा पूर्वमन्त्री यादवका साथै नेकपाका नेता रामचन्द्र झा, प्रदेश २ का सहइन्चार्ज नागेन्द्र चौधरी, जिल्ला इन्चार्ज रामचन्द्र साह, केन्द्रीय सदस्य दिनेश राई, प्रदेश कमिटी सदस्य छोटेलाल यादव, बालगोपाल थापा, वीरगन्ज महानगर अध्यक्ष रहबर अन्सारी लगायतका नेता कार्यकर्ता पनि सहभागी भएका थिए ।
नेकपाको विन्दवासिनी गाउँपालिका कमिटीकोसपथ ग्रहण कार्यक्रममा कात्तिक ६ गते दुई पक्षबीच झडप हुँदा चौरसिया गम्भीर घाइते भएका थिए । उनको उपचारको क्रममा वीरगञ्जस्थित एलएस न्युरो अस्पतालमा मृत्यु भएको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सरकारकै नाममा फिर्ता भयो नेपालले बाँडेको जग्गा
२०७७ चैत्र १० गते मङ्गलवार
सप्तरीमा ट्रकको ठक्करबाट एकको मृत्यु
२०७७ पुष २१ गते मङ्गलवार
एनआईसी एशिया बैंकका ग्राहकहरूले डेबिट कार्ड अनलाइनबाटै ब्लक गर्न सक्ने
२०७७ माघ २९ गते बिहिवार
चीनबाट फर्केका एमबीबीएस विद्यार्थी आन्दोलित, नेपालमै इन्टर्नसिप गर्न पाउनुपर्ने माग
२०७७ चैत्र १० गते मङ्गलवार