'
१६ असोज, काठमाडौं । नेपालमा नै पहिलो पटक टुरिष्ट यातायात व्यवसायीहरुले अनलाइन सिस्टमबाट पर्यटक सार्वजनिक यातायात सेवाको टिकट उपलब्ध गराउने भएका छन् ।
टुरिस्ट बस एसोसिएसन अफ नेपाल (टिबान) ले आफ्ना सबै बसको टिकट अनलाइनमार्फत बिक्री गर्ने उद्देश्यसाथ इलेक्ट्रोनिक्स कन्सर्न एन्ड रिसर्च सेन्टर (ईसीआरसी) प्रालिसँग सम्झौता गरेको छ ।
एसोसिएसनले ईसीआरसीसँगको सम्झौतापछि नेपालभर सञ्चालन हुने टुरिस्ट बसहरुको टिकट अनलाइनमार्फत बुकिङ गर्न सकिनेछ । टिबानका अध्यक्ष ईश्वरप्रसाद उपाध्याय तथा ईसीआरसीका अध्यक्ष सन्जित पौडेलबीच सम्झौतापत्रमा हस्ताक्षर भएको छ ।
सम्झौतापछि टिबानमा आबद्ध कम्पनीका पर्यटन सार्वजनिक यातायातको रुपमा सञ्चालनमा रहेका सवारीसाधनहरुको टिकट अनलाइन तथा एपबाटै बुकिङ गर्न सकिनेछ ।
पछिल्लो दिनमा कोभिड १९ को महामारीले गर्दा नेपालको पर्यटन सेवा संकटग्रस्त भएको सन्दर्भमा यात्रुलाई सुरक्षित र सहज रुपमा पर्यटन सार्वजनिक यातायातका साधनहरु उपलब्ध गराउने उद्देश्यसाथ यो सम्झौता भएको जनाइएको छ ।
सम्झौताअनुसार दसैंका लागि टिबानका पर्यटक सार्वजनिक यातायातका साधनहरुको अग्रिम बुकिङ अनलाइनमार्फत सुरु गरिनेछ । सुरुवाती चरणमा पर्यटक सार्वजनिक यातायातको सेवा काठमाडौंदेखि पोखरा, नारायणघाट, लुम्बिनी, जनकपुरमा उपलब्ध हुने र क्रमशः अन्य सहरहरुमा पनि सेवा विस्तार गरिने टिबानले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
प्रधानमन्त्रीद्वारा नेपालकै ठूलो ढल्केबर सबस्टेसन उद्घाटन
२०७७ माघ १९ गते सोमवार
कोरियाली राष्ट्रपति मूनले बाइडेनसँग फोनवार्ता गर्ने
२०७७ कार्तिक २६ गते बुधवार
लगातार वर्षाका कारण पहिरो खसेपछि गुल्मीका दुई मुख्य सडक अवरुद्ध
२०७८ असार १ गते मङ्गलवार
गलत प्रवृत्तिविरुद्ध वैचारिक बहस जरुरी छः मन्त्री भट्ट
२०७७ पुष २८ गते मङ्गलवार