'
१७ असोज, दाङ । प्रदेश ५ सरकारले स्थायी राजधानी प्रस्तावित क्षेत्रमा जग्गा कारोबार अनिश्चितकालका लागि रोक लगाइएको छ । प्रदेश राजधानी प्रस्ताव गरिएका दाङका दुई र अर्घाखाँचीको एक पालिकामा प्रदेश सरकारले जग्गा किनबेच गर्न रोक लगाएको छ ।
मुख्यमन्त्री तथा मन्त्रिपरिषद्को कार्यालयले शुक्रबार नै मालपोत कार्यालय दाङ, लमही र अर्घाखाँचीलाई पत्राचार गरी अर्को आदेश नभएसम्म जग्गा किनबेच र कित्ताकाटमा रोक लगाएको जानकारी गराएको छ ।
राप्ती गाउँपालिकाको पूरै, गढवा गाउँपालिकाको वडा नम्बर १, २, ३ र अर्घाखाँची जिल्लाको शीतगंगा नगरपालिकाको वडा नम्बर ८ र ९ मा जग्गा किनबेच र कित्ताकाटमा रोक लगाइएको मुख्यमन्त्री तथा मन्त्रिपरिषद् कार्यालयको बैठक तथा प्रशासन महाशाखाका सचिव भरतमणि सुवेदीले जानकारी दिएका छन् ।
प्रदेश राजधानी प्रस्तावित क्षेत्रमा जग्गाको अस्वाभाविक कारोबार बढ्ने भएकाले सो निर्णय गरिएको हो । यसअघि दाङको बेलझुण्डी क्षेत्रमा प्रदेश राजधानी रहने चर्चा चल्दा जग्गाको अस्वाभाविक कारोबार भएको थियो । तर सरकारले रुपन्देहीको बुटवलमा अस्थायी राजधानी तोकिदिएपछि कारोबारीहरुको लगानी डुबेको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सांसद आलेद्वारा ब्रेन ट्युमरका बिरामीलाई रु एक लाख
२०७७ कार्तिक २८ गते शुक्रवार
चर्चित गितारवादक एडी भान हलेनको ६५ वर्षमा निधन
२०७७ असोज २१ गते बुधवार
भारतका पूर्व रक्षामन्त्रीको निधन
२०७७ असोज ११ गते आइतवार
एमाले कार्यकर्ताको स्कर्टिङमा आज बालकोट जाँदै ओली
२०७८ असार ३० गते बुधवार