'
१७ असोज, सुर्खेत । हुम्लामा पर-पुरुषसँग सम्बन्ध राखेकाे आराेपमा श्रीमतीकाे कपाल मुडेर कालाेमाेसाे दली दिसा खुवाएर गाउँ डुलाउने श्रीमानसहित सात जनालाई प्रहरीले पक्राउ गरेको छ ।
सिमकोट गाउँपालिका निवासी २३ वर्षीया महिलालाई यसरी अमानवीय व्यवहार गर्ने उनका श्रीमानसहित सातजनालाई प्रहरीले पक्राउ गरेको जिल्ला प्रहरी कार्यालय हुम्लाका प्रहरी नायब उपरीक्षक (डीएसपी) सुर्य सुवेदीले जानकारी दिए ।
ती महिलालाई प्रहरीले उद्दार गरिसकेको छ । परपुरुषसँग लागेको आरोपमा श्रीमान र गाउँलेले कुटपिट गरेर आफूलाई दिसासमेत खुवाइएको ती महिलाले प्रहरीसमक्ष बताएकी छन् । मुखमा मोसो दलेर जुत्ताको माला समेत लगाएको महिलाले भनेकी छन् ।
पीडित महिलाका श्रीमानसहित सातजनालाई पक्राउ गरेर थप अनुसन्धान भइरहेको प्रहरीले जनाएको छ । उनीहरुमाथि कुटपिट र अभद्र व्यवहारमा संलग्नलाई कारबाही गर्ने डीएसपी सुवेदीले बताए ।
अहिले पीडित महिलालाई संरक्षणका लागि महिला तथा बालबालिका सेवा केन्द्रमा राखिएको छ । महिलाका दुई वर्षका छोरी र ४ वर्षका छोरा छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
अप्टिकल फाइबर बिछ्याउने काम चार वर्षमा २२ प्रतिशत मात्रै
२०७७ पुष १७ गते शुक्रवार
जनतालाई निराश हुन नदिन सरकार लागिपरेको छः सञ्चारमन्त्री
२०७७ मङ्सिर २४ गते बुधवार
मोरक्कोमा एक महिलाले ९ शिशुलाई जन्म दिइन्, बन्यो विश्व रेकर्ड !
२०७८ बैशाख २३ गते बिहिवार
छठ कार्यक्रममा राष्ट्रपति सहभागी नहुने
२०७७ मङ्सिर ४ गते बिहिवार