समाचार

बडादशैंँलाई औपचारिकतामा सीमित गर्न आग्रह

dashain

१८ असोज, भक्तपुर । भक्तपुर नगरपालिकाले यस वर्षको बडादशैंलाई औपचारिकतामा सीमित गर्न आग्रह गर्दै सरोकार पक्षसँग छलफल शुरु गरेको छ । भक्तपुरमा बडादशैंको महानवमीको दिन खःम्ये जात्रा, विजयादशमीको दिन ब्रम्हायणीमा मेला लाग्नेलगायत विशेष पर्व तथा पूजा हुने गर्छ ।

नगर प्रमुख सुनिल प्रजापति र वडा नं ९ का वडाध्यक्ष रवीन्द्र ज्याख्वले नगरपालिकाभित्र कोरोना संक्रमणको अवस्था भयावह बनिरहेका परिस्थितिमा नजिकिँदै गरेको दशैँ भीडभाड कम हुने गरी औपचारिकतामा सीमित तथा ऐतिहासिक –सांस्कृतिक जात्रापर्व सामान्य रुपमा सुरक्षित ढङ्गले सम्पन्न गर्न सरोकार पक्षसँग आग्रह गरे ।

छलफलमा सरोकार प्रतिनिधिले दशैँमा कम भीडभाड हुने गरी जात्रा निर्धारित समयभन्दा छिटो सम्पन्न गर्नुपर्ने, जात्रा हुने स्थानमा स्वयंसेवक परिचालन गरी भीड कम गराउनुपर्ने, भीड जम्मा हुनेखालका बाजागाजा बन्द गर्नुपर्ने, माइकिङमार्फत नगरवासीलाई सचेत रहन आग्रह गरिरहनु पर्ने लगायत सुझाव दिएका थिए ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *