'
१९ असोज, काठमाडौं । नेपाली काँग्रेसले प्रदेश ५ को प्रदेशसभामा आफ्ना सांसदबाट भएको कुर्सी तोडफोड पार्टीको नीति तथा संस्कृति विपरीत भएको बताएको छ । सोमबार साँझ ट्विट गर्दै प्रवक्ता विश्वप्रकाश शर्माले प्रदेश ५ को संसदमा ३ सांसदले गरेको कुर्सी तोडफोड नेपाली कांग्रेसको नीति र संस्कृति विपरीत भएको बताएका हुन् ।
प्रदेश ५ को प्रदेशसभामा सोमबार दिउँसो नेपाली कांग्रेसका सांसदहरूले कुर्सी तोडफोड गरेका थिए । आफूहरूसँग कुनै छलफल नै नगरी एकतर्फी रूपमा प्रदेश ५ को राजधानी भालुवाङ तोक्ने प्रक्रिया अघि बढेपछि आक्रोशित बनेका कांग्रेस सांसदहरूले नाराबाजी गर्दै कुर्सी तोडफोड गरेका थिए ।
‘प्रदेश ५ को संसदमा ३ सांसदले गरेको कुर्सी तोडफोड नेपाली कांग्रेसको नीति र संस्कृति विपरीत छ,’ प्रवक्ता शर्माले ट्विटमा लेखेका छन् ।
संसदीय ब्यवस्था कम्युनिस्टका लागि बाध्यताको,कांग्रेसका लागि रोजाईको पद्धति हो l परिमार्जित र सुसंस्कृत बनाउंदै अघि बढ्ने कर्तव्य पनि हाम्रै हो !
अरुका गल्तीमा सच्याउंदै बढ्न प्रेरित गर्ने कांग्रेस आफ्नाको `छिटपुट´ भनेर छोप्दैन,कठोरतापुर्वक सच्याएर बढ्ने सामर्थ्य राख्नेछौं !
— Bishwa Prakash शर्मा (@bishwaprakash77) October 5, 2020
उनले कुनै पनि सांसदहरूलाई पार्टीको संस्कृति उल्लंघन गर्ने स्वायत्तता नदिइएको समेत उल्लेख गरेका छन् । ‘रोस्ट्रम भांच्नेदेखि संसदीय पद्धति नै नास्छौं भन्ने कम्युनिस्ट पार्टीहरुलाई समेत रुपान्तरण गर्ने प्रशिक्षक दलका सांसदलाई पार्टीको संस्कृति उल्लंघनको स्वायत्तता विल्कुलै दिइएको छैन,’ ट्विटमा लेखिएको छ ।
संसदीय व्यवस्था कम्युनिस्टका लागि बाध्यता भएपनि कांग्रेसका लागि रोजाइको पद्धति भन्दै प्रवक्ता शर्माले आफ्ना नेताहरूको गल्तीलाई `छिटपुट´ भनेर नछोप्ने दाबी गरेका छन् । उनले कठोरतापूर्वक सच्याएर बढ्ने समेत बताएका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
मन्त्री खतिवडाद्वारा खोप केन्द्रको निरीक्षण
२०७८ कार्तिक १७ गते बुधवार
असार १३ गतेदेखि १९ गतेसम्म विद्युत कटौती हुनसक्ने
२०७८ असार १२ गते शनिवार
कोरोना बीमा दाबी भुक्तानीका लागि पुनर्बीमा कम्पनीले दियो एक अर्ब रुपियाँ
२०७७ फाल्गुन ५ गते बुधवार
कोभिड सङ्क्रमण : निगरानी र सावधानीप्रति चासो कम
२०७८ बैशाख ९ गते बिहिवार