'
१९ असोज, चितवन । सोमबार एकै दिन चितवनमा दुईवटा गैंडा मृत फेला परेका छन् । चितवन राष्ट्रिय निकुञ्जका सहायक संरक्षण अधिकृत अशोक रामले नारायणी नदीले बगाउँदै लगेको गैंडा गण्डक ब्यारेजबाट करिब आधा घण्टा बगेपछि मरेको जानकारी दिए ।
मृत गैंडाको भारतीय प्रोटोकलअनुसार सम्पूर्ण भाग जलाउने नीति रहेकोले सोहीअनुसार मृत गैंडाको अन्त्येष्टि गरिने जानकारी प्राप्त भएको उनले बताए । सोमबार नै चितवन राष्ट्रिय निकुञ्जको सौराहा सेक्टरअन्तर्गतको वनकट्टा वनगछिया भन्ने स्थानको १ नम्बर मचानबाट पूर्वपट्टि बाटोको ढिकमा पनि एउटा गैंडा मृत फेला परेको छ ।
मरेको अवस्थामा करिव १०/१२ वर्षको भाले गैडा फेला परेको उनले बताए । सो मृत गैडाको प्रकृति हेर्दा गैंडाहरु एक आपसमा जुधेर घाइते भई मरेको अनुमान गरिएको छ । उक्त मृत गैंडाको पछाडिको खुट्टा मर्किएको अवस्थामा रहेको उनले बताए । गैंडाको खाग र खुर सुरक्षित छ ।
नारायणी नदीमै बगेको एउटा गैंडा शनिवार त्रिवेणीमा मृत फेला परेका थियो । चितवन निकुञ्जमा शुक्रवार मात्रै पनि नवलपुर लामिचौरमा रहेको निकुञ्जको पोष्टदेखि तीन किलो मिटर दक्षिणमा निकुञ्जभित्र मृत गैंडा फेला परेको थियो ।
२०७७ को साउन यतामात्रै चितवन राष्ट्रिय निकुञ्जमा सात वटा गैंडाको मृत्यु भएको छ । ती मध्ये एउटा गैंडा सिकारीले मारेको अवस्थामा भेटिएको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
विषम स्थिति सर्जकका लागि अवसर पनि हो : कुलपति
२०७७ असोज १५ गते बिहिवार
निर्धारित समयमै क्लिन फिड लागू गर्ने
२०७७ असोज ६ गते मङ्गलवार
प्रहरी निरीक्षकविरुद्ध बहुविवाह र गर्भ संरक्षणविरुद्धको कसुरमा मुद्दा दर्ता
२०७७ मङ्सिर १६ गते मङ्गलवार
२४ घण्टायता देशका ७२८ स्थानमा डढेलो, ७७ जिल्लामध्ये ६० जिल्ला प्रभावित
२०७७ चैत्र २३ गते सोमवार