विश्व/प्रवास

भारतमा कोरोना सङ्क्रमण र मृत्यु सङ्ख्या घट्यो

covid india

२० असोज, काठमाडौं । भारतमा पछिल्लो २४ घन्टामा कोरोना भाइरस (कोभिड– १९) संक्रमित र मृत्यु हुनेको संख्या घटेको छ । यस अवधिका जम्मा ६१ हजार दुई सय ६७ जना मात्रै संक्रमित भएको संघीय स्वास्थ्य मन्त्रालयले मंगलबार जानकारी गराएको छ । भारतमा अहिलेसम्म कुल संक्रमितको संख्या ६६ लाख ८५ हजार ८२ पुगेको छ ।

यस्तै पछिल्लो २४ घन्टामा देशभर मृत्यु हुनेको संख्या आठ सय ८४ रहेको छ भने अहिलेसम्म कुल एक लाख तीन हजार पाँच सय ६९ जनाले कोरोनाका कारण ज्यान गुमाइसकेका छन् । यस महिना (अक्टोबर)को पहिला पाँच दिनको तथ्यांक हेर्दा भारतमा कोभिड– १९ संक्रमण तथा संक्रमितको मृत्युदरमा सामान्य कमी देखिएको छ ।

१ अक्टोबरमा ८६ हजार आठ सय २१ व्यक्तिमा कोरोना संक्रमण पुष्टि भएको थियो भने एक हजार एक सय ८१ जनाको मृत्यु भएको थियो । यस्तै  २ अक्टोबरमा संक्रमितको संख्या करिब पाँच हजारले कमी आई ८१ हजार चार सय ८४ भएकोे थियो । मृत्युमा पनि करिब एक सयले कमी आई एक हजार ९५ मा झरेको थियो । महिनाको तेस्रो दिन संक्रमितको संख्या अघिल्ला दिनको तुलनामा थप कमी आई ७९ हजार चार सय ७६ कायम भएको थियो भने मृतककाे संख्या एक हजार ६९ मा झरेको थियो । ४ अक्टोबरमा ७५ हजार आठ सय २९ संक्रमित र नौ सय ४० जनाको मृत्यु भएको थियो । ५ अक्टोबरमा ७४ हजार चार सय ४२ संक्रमित र नौ सय तीन संक्रमितको मृत्यु भएको तथ्यांक छ ।

५६ लाख ६२ हजार कोरोनामुक्त 

भारतमा अहिलेसम्म ५६ लाख ६२ हजार ४९० व्यक्ति कोरोना सङ्क्रमणमुक्त भइसकेका छन् भने अझै पनि ९ लाख १९ हजारभन्दा बढी व्यक्तिमा सङ्क्रमण रहेको छ ।

भारतीय चिकित्सा अनुसन्धान परिषद् (आईसीएमआर) का अनुसार भारतमा मङ्गलबारसम्म कुल ८१ लाख ७१ हजार ७९७ व्यक्तिको कोरोना परीक्षण भएको छ । योमध्ये सोमबार मात्र १ लाख ८९ हजार ४०३ व्यक्तिको कोरोना परीक्षण भएको बताइएको छ ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस
प्रतिक्रिया दिनुहोस