'
२४ भदौ, नवलपुर । एसिड आक्रमणमा परेपछि कावासोती नगरपालिका–१६ हर्वासीकी वसन्ती परियारको हुलिया फेरियो । उनी आफ्नो नयाँ रूपरंग देखेर डराइन् । पतिको मायामा कमी आउँछ कि भन्ने लाग्यो । ससाना छोराछोरीमा मानसिक असर पर्छ कि भन्ने पनि डर थियो । तर, एसिडको घाउमा उनका पति यमनारायणको मायाले मलम लगाइदिएको छ। त्यही मायाले उनको आत्मबल कमजोर हुन दिएको छैन ।
‘पहिला के होला भन्ने डर थियो । आजभोलि आँट आएको छ’, वसन्तीले हँसिलो मुद्रामा भनिन्, ‘पतिको मायाले मलाई बाँच्ने आधार मिलेको छ ।’ यमनारायणले पहिलेभन्दा बढी माया गर्छन् वसन्तीलाई। घरमा खाना पकाउने, सरसफाइको काम वसन्तीले गर्छिन् । घरबाहिरको काम यमनारायण गर्छन्। तर, उनी एकछिन पनि पत्नीको साथ छाड्दैनन् । यमनारायणको समय पत्नीको हेरचाहमा बितिरहेको छ । हरेक काममा साथमै हुन्छन् । पत्नीले नरमाइलो माने उनीे सम्झाउँछन् । अन्यत्रको कुरा गरेर मन भुलाउँछन् ।
एसिड आक्रमणपछि वसन्तीलाई घरबाहिर निस्किन पनि अप्ठेरो लाग्थ्यो। अहिले उनमा आँट पलाएको छ । यो पतिकै मायाका कारण भएको उनले बताइन् । अहिले घाममा निस्किन हुँदैन । एसिडले पोलेको भागमा घामले असर गर्छ ।
पतिकै मायाकै कारण यो समाजका अगाडि आएर उभिन सकेको उनको भनाइ छ । ‘पहिलाको अनुहार र एसिड प्रहारपछि हेर्ने नजर त पक्कै फरक छ नि’, उनले भनिन्, ‘तर, पति र परिवारको माया फेरिएन, यही मेरो खुसी हो ।’
उनी काठमाडौं महाराजगन्जस्थित त्रिभुवन विश्वविद्यालय शिक्षण अस्पतालमा १५ महिनाको उपचारपछि घरमै छिन् । उनी शारीरिक र मानसिक रूपमा तंग्रिँदै छिन् । एसिडले उनका हात, अनुहार, टाउको, छातीमा असर गरेको छ । पति यमनारायणले उनलाई दरिलो साथ दिएका छन् । समाजमा कसरी अनुहार देखाउने भन्ने चिन्ता गर्ने वसन्तीलाई पतिले हिम्मत जुटाइदिएका छन् । यो समाचार आजको अन्नपूर्ण पोस्ट् दैनिकमा अनिल ढकालले लेखेका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
यस्ता छन् मन्त्रिपरिषद बैठकका १७ निर्णय (सूचीसहित)
२०७७ पुष १७ गते शुक्रवार
प्रतिनिधिसभा बैठक फागुन २३ गते बस्ने सरकारको निर्णय
२०७७ फाल्गुन १४ गते शुक्रवार
अमेरिकाले फिर्ता गर्यो नेपालबाट हराएका मूर्ति
२०७७ चैत्र २० गते शुक्रवार
वाग्मती नगरपालिकामा २०० बिघामा पोखरी निर्माण हुँदै
२०७७ भाद्र ८ गते सोमवार