'
२४ भदौ, काठमाडौं । काठमाडौं उपत्यकामा कोरोना भाइरसको सङ्क्रमण बढ्दै गए पनि वाग्मती, यसका सहायक नदी र चक्रपथ सफाइ अभियानले भने निरन्तरता पाएका छन् ।
वाग्मती सफाइ महाअभियानको ३८७औं हप्तामा पशुपति र शङ्खमूल क्षेत्रमा सफाइ गरिएको छ । पशुपति क्षेत्रमा अधिकारसम्पन्न वाग्मती सभ्यता एकीकृत विकास समितिका सञ्चालक सदस्य एवं अभियानकर्मी माला खरेलको नेतृत्वमा सफाइ गरिएको थियो ।
शङ्खमूल क्षेत्रमा अभियानकर्मी डा लक्ष्मी पौडेलको नेतृतवमा सफाइ गरिएको छ । कुहिने फोहरलाई मल बनाइएको र नकुहिने फोहर व्यवस्थापन गरिएको थियो । काठमाडौं महानगरपालिका वडा नं ३१ का निर्वाचित जनप्रतिनिधिसँग सफाइ अभियानका विषयमा सो अवसरमा छलफलसमेत गरिएको अभियानकर्मी पौडेलको भनाइ छ ।
रुद्रमती सफाइ अभियानको ३४६औं हप्तामा कालोपुलबाट रातोपुलको पूर्वी भाग, रातोपुलबाट सेतोपुलको दुवैतिर गरी २१५ वटा गुर्जोको बिरुवा रोपिएको छ । सफाइमा उपस्थित अभियानकर्मीलाई घर घरमा समेत रोप्न एक–एक गुर्जोको बिरुवा उपलब्ध गराइएको अभियानकर्मी रोहित गिरीले जानकारी दिए ।
मनोहरा नदी सफाइ अभियानको १८६औं हप्तामा नेपालीको महान् चाड बडादशैं तथा शुभदीपावलीका अवसरमा शुभकामना आदानप्रदान एवं सम्मान कार्यक्रम गरिएको थियो । महानगरपालिका वडा नं ३२ का वडाध्यक्ष, सञ्चारकर्मीलगायतको कार्यक्रममा उपस्थिति थियो ।
चक्रपथ उत्तरी खण्ड सफाइको १८५औं हप्तामा गोङ्गबुबाट सामाखुसी चोकसम्म सफाइ गरिएको छ । करिब २० जना अभियानकर्मीको सक्रियतामा भएको सफाइबाट एक रिक्सा फोहर सङ्कलन गरिएको अभियानकर्मी एवं लोकगायक तिलक बस्नेतले बताए ।
ललितपुरको गोदावरी खोला सफाइको ८४औं हप्तामा गोदावरी नगरपालिकाको छ स्थानमा सफाइ गरिएको छ । वडा नं १, २, ३ र १४ का विभिन्न स्थानमा नजिक नजिक सफाइ गरियो । भौतिक दूरी कायम गरी सफाइ गरिएको थियो ।
गोदावरी खोलाका विभिन्न स्थानमा २० वटा बोर्ड राखिएको छ । नगरपालिकाको सहयोगमा १० र अन्य संस्थाको सहयोगमा १० वटा जनचेतनामूलक बोर्ड राखिएको छ । फ्लेक्स नराखी पुनःप्रयोग हुने फलामको बोर्ड राखिएको छ । उपत्यकाका सबै सफाइ अभियान भौतिक दूरी कायम गरी कोरोनाबाट बच्न स्वास्थ्य सुरक्षाका उपाय अपनाएर गरिएको जनाइएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सौर्य एयरलाइन्सको दुईवटै जहाज सञ्चालनमा, दुई महिनाभित्र अर्को पनि उड्ने
२०७८ साउन २० गते बुधवार
नागरिक एपको फुल भर्सन सार्वजनिक, एपबाटै खोले प्रधानमन्त्रीले नेपाल बैंकमा खाता
२०७८ बैशाख १९ गते आइतवार
आज सुनको मूल्य घट्यो, तोलाको कति ?
२०७७ भाद्र १२ गते शुक्रवार
हिमाली क्षेत्रमा रहेका जोखिमयुक्त बस्तीलाई पुनः स्थापना गर्ने सरकारको तयारी
२०७७ माघ १९ गते सोमवार