१७ कात्तिक, गोरखा । गोरखाका प्रमुख जिल्ला अधिकारी तीर्थराज भट्टराईलाई कोरोना संक्रमण पुष्टि भएको छ ।
स्वाब परीक्षणको क्रममा ४४ वर्षीय प्रजिअ भट्टराई दम्पत्तीमा कोरोना संक्रमण पुष्टि भएको प्रदेश जनस्वास्थ्य निर्देशनालयले जनाएको छ । प्रजिअसहित गोरखा जिल्लामा थप ३२ जनामा सोमबार कोरोना संक्रमण पुष्टि भएको छ ।
थपिएका नयाँ कोरोना संक्रमितहरु गोरखा नगरपालिकाका १० जना, पालुङ्टार नगरपालिका र अजीरकोट गाउँपालिकाका सात-सात जना, शहीद लखन गाउँपालिकाका चार र आरुघाट गाउँपालिकाका एक जना रहेको प्रदेश जनस्वास्थ्य निर्देशनालय पोखराले जनाएको छ ।
प्रतिक्रिया दिनुहोस